Í tilefni af 20 ára afmæli Iðunnar verður efnt til fjölskylduhátíðar í Fjölskyldu- og húsdýragarðinum sunnudaginn 16. ágúst.

Félagsfólki Iðunnar og fjölskyldum þeirra er boðið að taka þátt í deginum sem verður fjölbreyttur og skemmtilegur fyrir alla aldurshópa.

Dagskráin hefst klukkan 12:00 þegar Leikhópurinn Lotta stígur á svið með skemmtilegt atriði og gengur síðan um garðinn til að gleðja yngstu gestina.

Frá klukkan 13:00 tekur við tónlistardagskrá þar sem fram koma Jón Jónsson, Ragga Gísla, KK og VÆB.

Á milli klukkan 12:00 og 15:00 verður fjölbreytt afþreying í boði fyrir alla fjölskylduna, meðal annars:

• pylsur af grillinu fyrir félagsfólk,
• andlitsmálun,
• barmmerkjasmiðja,
• búningafjör og
• rafbílarallý.

Gestir eru hvattir til að mæta snemma og nýta sér jafnframt allt það sem Fjölskyldu- og húsdýragarðurinn hefur upp á að bjóða.

Félagsfólk Iðunnar og fjölskyldur þeirra fá ókeypis aðgang að hátíðinni.

Að lokinni skráningu birtist staðfesting á „Mínum síðum“ hjá Iðunni sem framvísað er við inngang Fjölskyldu- og húsdýragarðsins á hátíðardaginn.

Skráning á afmælishátíðina fer fram á vef Iðunnar: Afmælishátíð Iðunnar

STÓRELDHÚSIÐ 2026 verður haldin í Laugardalshöll 5. – 6. nóvember 2026.

STÓRELDHÚSIÐ hefur verið haldið annað hvert ár síðan 2005.

Sýningarnar hafa stækkað og eflst ár frá ári.  Er STÓRELDHÚSIÐ orðið helsti staður fyrir starfsfólk stóreldhúsa að hittast og skoða vörur og þjónustu sem hinir fjölmörgu byrgjar hafa upp á að bjóða.

Öllu starfsfólki stóreldhúsa er boðið á sýninguna.

Að sögn Ólafs sýningarstjóra stefnir í öfluga sýningu í haust í Laugardalshöllinni.

Gefum Ólafi orðið:

„Sýningin “STÓRELDHÚSIÐ 2026 verður bæði fjölbreytt og afar áhugaverð. Það virðist mikil gróska sé á þessu sviði enda stóreldhúsageirinn fjölbreyttur og nær yfir vítt svið til veitingahúsa, mötuneyta og raunar miklu víðar þar sem matur er framreiddur.

Við höfum heyrt frá stóreldhúsum víða að af landinu. Þannig er greinilegt að mikill áhugi er að skoða allt það nýjasta í geiranum og hittast í Laugardalshöllinni. Stóreldhúsageirinn er í miklu uppáhaldi hjá okkur hjá okkur í fagsýningarfyrirtækinu Ritsýn enda er matur manns gaman.”

Sagði Ólafur að lokum.

STÓRELDHÚSIÐ 2026 hefst fimmtudaginn 5. nóvember og lýkur föstudaginn 6. nóvember. Sýningin hefst klukkan 12.00 báða dagana og lýkur klukkan 18.00.

Sem fyrr verður sýningin í Laugardalshöllinni sem er afar gott sýningarhúsnæði og þægileg aðkoma. Allt frítt fyrir starfsfólk stóreldhúsa enda fagsýning sem er ekki opin almenningi.

Kæra starfsfólk stóreldhúsageirans nú er um að gera að taka dagana frá!

Velkomin á STÓRELDHÚSIÐ 2026.

Sjáumst öll í haust,

Ólafur M. Jóhannesson
Sýningarstjóri STÓRELDHÚSIÐ 2026
[email protected] 698 8150

Inga
Markaðsstjóri
[email protected]
898 8022

Um 55 þjóðir frá öllum heimsálfum verða gestir í Luxembourg-Kirchberg dagana 21. – 25. nóvember 2026, þegar þar fer fram glæsileg matarmenningarhátíð sem uppfyllir hæstu alþjóðlegu gæðaviðmið og heimsviðburður í sýningarsölum LUXEXPO.

Heimsmeistaramótið í matreiðslu (Culinary World Cup) er eitt stærsta og virtasta mót heims, þekkt fyrir gæði og fagmennsku. Á mótinu keppa 30 landslið, 15 ungliðalandslið og 15 lið í flokki „Community Catering“, þar á meðal svæðislið og herlið. Þau elda þriggja rétta matseðla í átta keppniseldhúsum yfir fimm daga, að undangengnum margra mánaða undirbúningi og æfingum.

Auk þess taka þátt önnur lið sem keppa fyrir ákveðin svæði innan síns lands, sem og pastry chefs sem mæta til leiks í einstaklingskeppni.

Íslenska Kokkalandsliðið mun keppa á mótinu. Besti árangur liðsins hingað til er bronsverðlaun, sem markar mikilvægan áfanga í sögu íslenskrar matargerðar.

Fréttayfirlit um Kokkalandsliðið.

Ljósmynd: Ruth Ásgeirsdóttir