Wilhelm Wessman fallinn frá

Wilhelm Wessman

Wilhelm Wessman, einn kunnasti og virtasti frumkvöðull landsins á sviði hótel- og veitingareksturs, lést á Landspítalanum mánudaginn 3. ágúst, 84 ára að aldri. Frá þessu er greint á mbl.is.

Wilhelm átti langan og farsælan feril í íslenskri ferðaþjónustu. Hann hóf störf á Hótel Sögu árið 1967 og gegndi þar fjölbreyttum stjórnunarstörfum um árabil. Síðar varð hann hótelstjóri Holiday Inn í Reykjavík og starfaði einnig erlendis fyrir InterContinental Hotels Group.

Wilhelm miðlaði jafnframt þekkingu sinni til næstu kynslóða, meðal annars sem gestakennari við Hótel- og veitingaskóla Íslands.

Wilhelm fæddist 2. október 1942 á Höfn í Hornafirði. Eftirlifandi eiginkona hans er Ólöf Wessman og eignuðust þau þrjú börn.

Nánar má lesa um ævi og störf Wilhelms Wessman á mbl.is.

Í gegnum árin birtust hér á Veitingageirinn.is ófáir pistlar eftir Wilhelm þar sem hann miðlaði af áratuga reynslu sinni úr hótel- og veitingageiranum.

Mynd: úr einkasafni