C.V.N.E. valið evrópski framleiðandi ársins

Nú á dögunum fór fram “Sommerlier Wine Awards”, ein stærsta og áhrifamesta vínkeppnin í Bretlandi. Það sem gefur keppninni aukið vægi er að dómnefnd samanstendur aðeins af fólki úr bransanum sem vinnur beint með neytendum á hverjum degi; Vínþjónar, vínkaupendur, ráðgjafar og annað fólk sem sér um að setja saman vínlista fyrir fremstu veitingastaði og lúxushótel Bretlands.

Vínframleiðandinn C.V.N.E. (Cune, Imperial, Contino, Vina Real o.fl.) var af dómnefnd valinn framleiðandi ársins í Evrópu og hlutu vín frá C.V.N.E. einnig tvö gull, eitt silfur og ein bronsverðlaun. Dómnefnd talaði sérstaklega um stöðugleika í gæðum á sama tíma vín C.V.N.E. næðu yfir afar fjölbreytt svið víngerðar.