Besti vínþjónn Norðurlandanna krýndur í Reykjavík

Úrslitakeppnin um besta vínþjón Norðurlandanna fer fram á Hilton Reykjavík sunnudaginn 20. september. Keppnin hefst kl. 15:00 og stendur til kl. 18:00.

Vínþjónasamtök Íslands hafa meðal annars veg og vanda af undirbúningi viðburðarins, þar sem fremstu vínþjónar Norðurlandanna etja kappi um hinn eftirsótta titil.

Samhliða keppninni verður lítil vínsýning á Hilton Reykjavík frá kl. 14:00 til 18:00, þar sem nokkrir víninnflytjendur kynna vörur sínar.

Viðburðurinn er einstakt tækifæri fyrir vínáhugafólk og starfsfólk í veitingageiranum til að fylgjast með vínþjónum Norðurlandanna takast á við krefjandi verkefni.