Líf og fjör verður á sunnudagskvöld þegar efnt verður til Le Tribute Bransakvölds á Monkey’s & Kokteilbarnum sunnudaginn 22. febrúar klukkan 20.00. Kvöldið er sérstaklega ætlað fólki í veitingageiranum og má búast við bæði góðri stemningu og spennandi tilboðum.

Yfirbarþjónn staðarins, Kaja Brodecka, hefur sett saman sérstakan Le Tribute kokteilaseðil fyrir kvöldið. Veitingamenn fá að njóta 2 fyrir 1 tilboðs af seðlinum og gefst þannig kærkomið tækifæri til að smakka og njóta kokteilanna í lifandi og notalegri stemningu.

Tónlistarmaðurinn DJ Símon FKNHNDSM sér um að halda uppi stemningunni og lofar kvöldinu þar sem dansgólfið verður í aðalhlutverki þegar líður á nóttina.

Fyrir þá sem vilja hefja kvöldið fyrr býður Monkey’s einnig upp á 2 fyrir 1 tilboð fyrir veitingamenn af smáréttaseðli og steikarseðli staðarins. Þar gefst gestum kostur á að gera sér glaðan dag yfir mat og drykk áður en kokteilarnir og tónlistin taka yfir.

Að kvöldinu standa Drykkur heildsala í samstarfi við Monkey’s & Kokteilbarinn og er markmiðið að skapa vettvang þar sem fagfólk í greininni getur hist, notið og átt saman góða stund.

Tveir íslenskir veitingastaðir hafa komist í úrslit í alþjóðlegum flokki National Fish & Chip Awards 2026, einu virtasta verðlaunaafhending Bretlands á sviði sjávarrétta. Þar keppa framúrskarandi fish and chips staðir víða að úr heiminum um titilinn International Fish & Chip Operator of the Year.

Úrslit verða kynnt í London 25. febrúar 2026 á Park Plaza Westminster Bridge hótelinu þar sem hundruðir gesta úr veitingageiranum koma saman. Einn veitingastaðurinn mun hljóta nafnbótina International Fish & Chip Operator of the Year 2026.

Nánar um keppnina hér.

Mynd:
Andrew Crook ásamt Norlein frá Fez & Cip, sigurvegara International Fish & Chip Operator of the Year 2025.
Ljósmyndari: Gabriel Bush

Matarhátíðin Food & Fun fer fram í 23. sinn dagana 25. febrúar til 1. mars næstkomandi. Að venju koma saman gestakokkar frá Evrópu og Norður-Ameríku með fremstu veitingastöðum Reykjavíkur, þar sem boðið verður upp á sérstaka Food & Fun matseðla í tilefni hátíðarinnar.

Áhersla er lögð á íslenskt hráefni og samstarf erlendra og innlendra matreiðslumanna, þar sem markmiðið er að bjóða gestum upp á vandaða og eftirminnilega matarupplifun í hverjum rétti.

Opnað verður fyrir borðabókanir á allra næstu dögum á Dineout.is og eru áhugasamir hvattir til að taka dagana frá, enda hefur Food & Fun fest sig í sessi sem fastur liður í viðburðadagatali veitingageirans.

Mynd: foodandfun.is

Matarhátíðin Food & Fun fer fram í 23. sinn dagana 25. febrúar til 1. mars næstkomandi. Að venju koma saman gestakokkar frá Evrópu og Norður-Ameríku með fremstu veitingastöðum Reykjavíkur, þar sem boðið verður upp á sérstaka Food & Fun matseðla í tilefni hátíðarinnar.

Áhersla er lögð á íslenskt hráefni og samstarf erlendra og innlendra matreiðslumanna, þar sem markmiðið er að bjóða gestum upp á vandaða og eftirminnilega matarupplifun í hverjum rétti.

Opnað verður fyrir borðabókanir á allra næstu dögum á Dineout.is og eru áhugasamir hvattir til að taka dagana frá, enda hefur Food & Fun fest sig í sessi sem fastur liður í viðburðadagatali veitingageirans.

Mynd: foodandfun.is

Keppnirnar um Grænmetiskokk ársins 2026 og Kokk ársins 2026 fara fram í IKEA dagana 26. til 29. mars næstkomandi. Klúbbur Matreiðslumeistara fer með undirbúning og framkvæmd keppnanna líkt og undanfarin ár.

Nánari upplýsingar um dagsetningar á skráningu, grunnhráefni og fleira hér.

Yfirlit frétta um keppnina Grænmetiskokkur ársins hér.

Mynd: Mummi Lú / Andrés Björgvinsson er Gænmetiskokkur ársins 2025.

Keppnirnar um Kokk ársins 2026 og Grænmetiskokk ársins 2026 fara fram í IKEA dagana 26. til 29. mars næstkomandi. Klúbbur Matreiðslumeistara fer með undirbúning og framkvæmd keppnanna líkt og undanfarin ár.

Nánari upplýsingar um dagsetningar á skráningu, grunnhráefni og fleira hér.

Yfirlit frétta um keppnina Kokkur ársins.

Mynd: Mummi Lú / Gabríel Kristinn Bjarnason er Kokkur ársins 2025.

Worldchefs, áhrifamestu samtök matreiðslumanna í heiminum, verða með ráðstefnu, sýningu og keppni sem fram fer dagana 16.–19. maí 2026 í Newport í Wales.

Þema ráðstefnunnar að þessu sinni er „Pasture, Passion, Plate“, sem heiðrar ferðalag matarins frá uppruna til fullbúins réttar og undirstrikar hvernig matur tengir okkur öll – frá bónda til borðs, yfir landamæri og menningarheima.

Um 1.000 kokkar frá 110 löndum sækja ráðstefnuna, ásamt 30 alþjóðlegum fyrirlesurum og sérfræðingum úr atvinnulífinu. Þá verður jafnframt sýning 200 nýsköpunarfyrirtækja og sýnenda, og búist er við að viðburðurinn laði að um 6.000 þátttakendur víðs vegar að úr heiminum.

Global Chef keppnin fer fram samhliða ráðstefnunni, en þar mun Hinrik Örn Lárusson keppir fyrir Íslands hönd í Wales.

Heimasíða: www.worldchefscongress.org

Kynningarmyndband