Ný hnífataska frá Beittum hnífum

Beittir hnífar hafa bætt við vöruúrval sitt nýrri hnífatösku sem er hönnuð með þarfir fagfólks og mataráhugafólks í huga. Taskan er úr þykku leðri og ætluð til að halda hnífum vel skipulögðum og öruggum, bæði í eldhúsi og á ferðinni.

Í töskunni eru átta hólf fyrir hnífa sem auðvelda yfirsýn og skipulag. Með henni fylgja einnig átta plastslíður sem veita aukna vernd við geymslu og flutning.

Stillanleg axlaról fylgir töskunni sem gerir hana þægilega í notkun fyrir þá sem þurfa að flytja hnífana milli staða.

Verð á töskunni er 29.900 krónur og nánari upplýsingar má finna á beittirhnifar.is.