„Súkkulaði og mascarpone reyndust ótrúlega góð blanda“

Nú bætist einstaklega girnileg nýjung í ostafjölskylduna hjá MS en í fyrsta sinn kemur á markað íslenskur mascarpone með súkkulaðibragði.

Um er að ræða spennandi sérútgáfu sem kemur á markað nú í lok Ostóber og í aðdraganda jólahátíðarinnar. Silkimjúkur og rjómakenndur mascarpone fær hér ljúffengt súkkulaðibragð og útkoman er í einu orði sagt ómótstæðileg.

„Ostóber er kjörið tækifæri til að leika sér aðeins með ostana okkar og koma fólki á óvart. Okkur langaði að bjóða upp á eitthvað extra girnilegt í ár og súkkulaði og mascarpone reyndust einfaldlega ótrúlega góð blanda.

Þetta er skemmtileg sérútgáfa sem við vonum að fólk prófi á sem allra fjölbreyttastan hátt,“

segir Gréta Björg Jakobsdóttir, markaðs- og vöruflokkastjóri hjá MS.

Gréta Björg Jakobsdóttir, markaðs- og vöruflokkastjóri hjá MS

Það besta er nefnilega að það eru engar reglur um hvernig á að njóta hans. Mascarpone með súkkulaðibragði er dásamlegur með ferskum ávöxtum og berjum, frábær í kökur, krem og aðra eftirrétti og tilvalinn í bakstur.

„Svo má auðvitað líka grípa skeið og njóta hans nákvæmlega eins og hann er beint upp úr dósinni, við dæmum engan,”

segir Gréta.

Íslenskur Mascarpone með súkkulaðibragði býður upp á endalausa möguleika fyrir þá sem vilja gera eitthvað gott enn betra. Prófaðu þig áfram, leyfðu hugmyndafluginu að ráða og hver veit nema nýja uppáhaldið þitt leynist í dósinni.