Ostur sem lyktar eins og „sviti og eftirsjá“

Heimur ostanna er fjölbreyttur og stundum kemur lyktin jafnvel meira á óvart en bragðið. Bjarki Long, framreiðslumeistari og ostasérfræðingur, var nýlega gestur í Bítinu á Bylgjunni þar sem hann ræddi um osta og kynnti væntanleg ostanámskeið hjá Iðunni fræðslusetri.

Námskeiðin verða haldin 16. október og 4. desember. Þar leiðir Bjarki þátttakendur í gegnum fjölbreytt úrval osta, allt frá mildum og mjúkum til kraftmikilla og langþroskaðra tegunda. Smakkaðir verða hátt í tuttugu ostar, ásamt fjölbreyttu meðlæti og úrvali vína og bjóra.

Fjallað verður um uppruna og framleiðslu ostanna og hvernig þroskun, geymsla og hitastig hafa áhrif á bragð og áferð. Þá verður pörun í aðalhlutverki: Hvaða vín eða bjór hentar með hverjum osti og hvernig getur meðlætið skapað jafnvægi og dregið fram það besta í bragðinu?

Námskeiðin henta bæði áhugafólki um góða osta og fagfólki í veitinga- og þjónustugeiranum sem vill efla þekkingu sína og geta ráðlagt gestum af meira öryggi um val á ostum og drykkjum.

Verð er 12.500 kr., en félagsfólk Iðunnar greiðir aðeins 3.000 kr. Þeir sem eru ekki félagsmenn gætu átt rétt á styrk úr fræðslusjóði síns stéttarfélags.

Skráning:

Smellið hér til að lesa nánar um ostanámskeiðin, sem haldin verða 16. október og 4. desember..

Hægt er að horfa á viðtalið við Bjarka Long á visir.is, þar sem hann ræðir meðal annars um osta og væntanleg ostanámskeið.

Mynd; úr safni