Slow Food á Íslandi stendur fyrir BragðaGarði, skemmtilegri og fræðandi Slow Food hátíð sem haldin verður í Grasagarði Reykjavíkur fimmtudaginn 9. október frá klukkan 11:00 til 15:00.

Hátíðin er sérstaklega ætluð nemendum í framhaldsskólum landsins og elstu bekkjum grunnskóla. Þar verður maturinn í aðalhlutverki og lögð áhersla á matarhefðir, íslenskt hráefni, sjálfbærni og skynjun.

Nemendur leiða jafningjafræðslu

Nemendur Hótel- og matvælaskólans í MK munu leiða jafningjafræðslu á hátíðinni og sjá um fjölbreytt verkefni fyrir gesti.

Meðal þess sem verður í boði er fræðsla um mat og matarhefðir, sjálfbærni í matvælaframleiðslu og þjálfun bragðlauka og þefskyns. Þá verður boðið upp á leiki og verkefni sem tengjast mat og umhverfi.

Jurtakokteilabar verður á svæðinu og einnig verður sýnikennsla þar sem útbúnir verða einfaldir réttir fyrir ungmenni úr íslensku hráefni. Þá verður jafnframt kynning á kjötverkun og vinnslu matvæla.

Smakkað, lyktað og upplifað

Markmiðið með BragðaGarði er að gefa ungu fólki tækifæri til að fræðast um uppruna matarins, menningu og hefðir sem tengjast matvælum og mikilvægi sjálfbærni.

Einnig verður sjónum beint að því hvernig meðvitaðar ákvarðanir um mat geta haft áhrif á framtíðina.

Fræðslan fer fram með lifandi hætti í umhverfi Grasagarðs Reykjavíkur þar sem nemendur fá að smakka, lykta, leika og upplifa viðfangsefnin.

BragðaGarður er haldinn af Slow Food á Íslandi í samstarfi við Matvælaskólann í MK, Reykjavíkurborg og Grasagarð Reykjavíkur.

Hátíðin fer fram fimmtudaginn 9. október frá klukkan 11:00 til 15:00 í Grasagarði Reykjavíkur.

STÓRELDHÚSIÐ 2026 verður haldin í Laugardalshöll 5. – 6. nóvember 2026.

STÓRELDHÚSIÐ hefur verið haldið annað hvert ár síðan 2005.

Sýningarnar hafa stækkað og eflst ár frá ári.  Er STÓRELDHÚSIÐ orðið helsti staður fyrir starfsfólk stóreldhúsa að hittast og skoða vörur og þjónustu sem hinir fjölmörgu byrgjar hafa upp á að bjóða.

Öllu starfsfólki stóreldhúsa er boðið á sýninguna.

Að sögn Ólafs sýningarstjóra stefnir í öfluga sýningu í haust í Laugardalshöllinni.

Gefum Ólafi orðið:

„Sýningin “STÓRELDHÚSIÐ 2026 verður bæði fjölbreytt og afar áhugaverð. Það virðist mikil gróska sé á þessu sviði enda stóreldhúsageirinn fjölbreyttur og nær yfir vítt svið til veitingahúsa, mötuneyta og raunar miklu víðar þar sem matur er framreiddur.

Við höfum heyrt frá stóreldhúsum víða að af landinu. Þannig er greinilegt að mikill áhugi er að skoða allt það nýjasta í geiranum og hittast í Laugardalshöllinni. Stóreldhúsageirinn er í miklu uppáhaldi hjá okkur hjá okkur í fagsýningarfyrirtækinu Ritsýn enda er matur manns gaman.”

Sagði Ólafur að lokum.

STÓRELDHÚSIÐ 2026 hefst fimmtudaginn 5. nóvember og lýkur föstudaginn 6. nóvember. Sýningin hefst klukkan 12.00 báða dagana og lýkur klukkan 18.00.

Sem fyrr verður sýningin í Laugardalshöllinni sem er afar gott sýningarhúsnæði og þægileg aðkoma. Allt frítt fyrir starfsfólk stóreldhúsa enda fagsýning sem er ekki opin almenningi.

Kæra starfsfólk stóreldhúsageirans nú er um að gera að taka dagana frá!

Velkomin á STÓRELDHÚSIÐ 2026.

Sjáumst öll í haust,

Ólafur M. Jóhannesson
Sýningarstjóri STÓRELDHÚSIÐ 2026
[email protected] 698 8150

Inga
Markaðsstjóri
[email protected]
898 8022

Um 55 þjóðir frá öllum heimsálfum verða gestir í Luxembourg-Kirchberg dagana 21. – 25. nóvember 2026, þegar þar fer fram glæsileg matarmenningarhátíð sem uppfyllir hæstu alþjóðlegu gæðaviðmið og heimsviðburður í sýningarsölum LUXEXPO.

Heimsmeistaramótið í matreiðslu (Culinary World Cup) er eitt stærsta og virtasta mót heims, þekkt fyrir gæði og fagmennsku. Á mótinu keppa 30 landslið, 15 ungliðalandslið og 15 lið í flokki „Community Catering“, þar á meðal svæðislið og herlið. Þau elda þriggja rétta matseðla í átta keppniseldhúsum yfir fimm daga, að undangengnum margra mánaða undirbúningi og æfingum.

Auk þess taka þátt önnur lið sem keppa fyrir ákveðin svæði innan síns lands, sem og pastry chefs sem mæta til leiks í einstaklingskeppni.

Íslenska Kokkalandsliðið mun keppa á mótinu. Besti árangur liðsins hingað til er bronsverðlaun, sem markar mikilvægan áfanga í sögu íslenskrar matargerðar.

Fréttayfirlit um Kokkalandsliðið.

Ljósmynd: Ruth Ásgeirsdóttir