Supermeals kynnir nýja eiginleika sem einfalda birtingu matseðla og straumlínulagaða skráningu viðskiptavina

Íslenska hugbúnaðarlausnin Supermeals kynnir nýja eiginleika sem miða að því að einfalda rekstur mötuneyta og veitingaaðila enn frekar. Með nýjum möguleikum á innfellingu matseðla og sjálfvirkri nýskráningu viðskiptavina styrkir kerfið stöðu sína sem heildarlausn fyrir veitingastaði, mötuneyti, og viðskiptavini þeirra.

Supermeals hefur á undanförnum misserum verið tekið í notkun af fjölmörgum fyrirtækjum, mötuneytum og skólum sem vilja bæta yfirsýn, draga úr matarsóun og einfalda daglegan rekstur. Nýju eiginleikarnir byggja ofan á þá þróun og auka sveigjanleika kerfisins enn frekar.

Rauntímabirting matseðla á vef og skjám

Með nýjum svokölluðum „embed“ eiginleika geta rekstraraðilar nú birt matseðla beint á eigin vefsíðum með einföldum hætti. Matseðillinn er tengdur beint við kerfið og uppfærist sjálfkrafa, sem tryggir að upplýsingar séu alltaf réttar og aðgengilegar.

Lausnin nýtist einnig fyrir stafræna skjái og innri upplýsingakerfi, þar sem hægt er að birta matseðla í rauntíma án viðbótarvinnu. Þetta sparar tíma, minnkar villuhættu og bætir upplifun notenda.

Einfaldari og hraðari nýskráning viðskiptavina

Samhliða hefur Supermeals einfaldað ferlið við að skrá inn nýja viðskiptavini. Fyrirtæki geta nú skráð sig sjálf í gegnum sérhannaða nýskráningarsíðu, en rekstraraðilar fá staðlaðar og fullbúnar upplýsingar til að meta umsóknir.

„Við viljum gera rekstraraðilum kleift að vaxa án þess að flækja ferlið. Með þessum breytingum er hægt að skrá nýja viðskiptavini hraðar og með minni handavinnu,“

segir í tilkynningu frá Supermeals.

Mikill vöxtur og breiður hópur viðskiptavina

Notkun Supermeals hefur aukist jafnt og þétt. Kerfið er nú notað af fjölbreyttum hópi fyrirtækja og veitingaaðila en yfir 40.000 máltíðir hafa verið skráðar í mars mánuði.

Áframhaldandi þróun í takt við þarfir markaðarins

Supermeals leggur áherslu á stöðuga þróun og náið samstarf við notendur. Markmiðið er að halda áfram að bæta kerfið með lausnum sem einfalda rekstur, auka sjálfvirkni og styðja við sjálfbærni í mötuneytis- og veitingarekstri.

Meðal nýjunga sem eru á dagskrá má nefna Kiosk lausn – “Heildstæð eining fyrir mötuneyti”

Nánari upplýsingar:

www.supermeals.is eða [email protected]