Fimm keppendur takast á um titilinn Grænmetiskokkur ársins 2026

Mynd: Skjáskot úr beinni útsendingu

Keppnin um titilinn Grænmetiskokkur ársins 2026 fer fram í dag, föstudaginn 27. mars, í IKEA þar sem fimm öflugir keppendur etja kappi.  Keppnin hófst klukkan 11 í morgun og stendur fram eftir degi, en gert er ráð fyrir að henni ljúki um klukkan 18.

Keppendur í ár eru Bjarni Ingi Sigurgíslason frá Fröken Reykjavík, Rúnar Atli Wiium frá Fiskfélaginu, Þorlákur Sigurðsson frá Lóla, Monica Daniela Panait frá Hótel Geysi og Einar Arnbjargarsson. Öll hafa þau vakið athygli fyrir metnaðarfulla nálgun í matreiðslu og verður spennandi að sjá hver stendur uppi sem sigurvegari.

Fjölbreytt dagskrá heldur áfram um helgina í IKEA þar sem áhersla er lögð á fagmennsku og nýsköpun í matargerð. Á laugardag fá nemar í matreiðslu tækifæri til að spreyta sig þegar þeir keppa ásamt aðstoðarmönnum í sjávarréttakeppni.

Úrslit úr öllum keppnunum verða síðan kynnt við hátíðlega athöfn á sunnudagskvöldi á NASA í Hótel Parliament í miðbæ Reykjavíkur.

Hægt er að fylgjast með keppninni í beinni útsendingu þar sem áhorfendur fá innsýn í spennandi verkefni keppenda og stemninguna á staðnum.

Veitingageirinn.is mun fylgjast grannt með gangi mála alla helgina og flytja lesendum fréttir og myndir jafnóðum.

Tengt efni

Kosning hafin, hver hlýtur titilinn Kokkur ársins 2026?

Mynd: Skjáskot úr beinni útsendingu