Góðgerðarhlaðborð til stuðnings fjölskyldum í Nepal

Hamfaraflóðin í Nepal hafa lagt heimili í rúst og fjölmargar fjölskyldur hafa misst eigur sínar og ástvini.
Mynd: Pixabay

Nepali Association of Iceland og World Chefs Without Borders standa fyrir góðgerðarhlaðborði laugardaginn 12. september frá kl. 12:00 til 15:00. Hlaðborðið verður haldið í húsnæði Mjólkursamsölunnar að Bitruhálsi 1 í Reykjavík.

Viðburðurinn er haldinn til stuðnings fjölskyldum sem hafa misst heimili sín, eigur og ástvini í hamfaraflóðum í Nepal. Allur ágóði af hlaðborðinu rennur til hjálparstarfs fyrir þau sem nú þurfa sárlega á aðstoð að halda.

Klúbbur matreiðslumeistara hvetur félagsmenn sína og aðra velunnara til að mæta, njóta góðs matar og leggja um leið mikilvægu málefni lið.

Aðgangseyrir er 4.990 krónur fyrir fullorðna og 2.490 krónur fyrir börn á aldrinum 6 til 12 ára.

Með viðburðinum gefst fólki tækifæri til að koma saman, sýna samstöðu og styðja fjölskyldur í Nepal sem glíma við afleiðingar hamfaranna.