Vélmenni sjá um matarbakka í nýju hátæknieldhúsi Icelandair

Nýtt hátæknieldhús Icelandair á Keflavíkurflugvelli var formlega opnað í gær. Eldhúsið er eitt stærsta framleiðslueldhús landsins og þar er allur matur útbúinn sem fer um borð í flugvélar félagsins.

Í frétt visir.is kemur fram að nýjasta tækni sé nýtt í eldhúsinu og vélmenni sinni þar fjölbreyttum verkefnum.  Þau sjá meðal annars um að útbúa matarbakka og flytja þá yfir í veitingavagna sem notaðir eru um borð í flugvélunum.

Fréttastofa Sýnar heimsótti eldhúsið og kynnti sér starfsemina og hlutverk vélmennanna. Þar var einnig rætt við Boga Nils Bogason, forstjóra Icelandair, um nýju aðstöðuna.

Myndir: Skjáskot úr myndbandi