Áhugasamir pizzabak­arar fá tækifæri til að láta ljós sitt skína síðar í vor þegar pizzakeppni verður haldin dagana 28. og 29. apríl 2026 í tilraunaeldhúsi ÓJK-ÍSAM. Keppnin er haldin í samstarfi við ítalska hveitiframleiðandann Polselli og verður keppt um vegleg verðlaun.

Fyrstu verðlaun eru sérlega eftirsóknarverð. Sigurvegarinn fær ferð til Ítalíu þar sem hann sækir námskeið hjá Polselli og fær jafnframt tækifæri til að heimsækja frægustu pizzastaði í Napólí. Auk þess verða veitt verðlaun fyrir þrjú efstu sætin í keppninni.

Keppnin byggir á skýrum reglum. Keppendur þurfa að nota Polselli hveiti við pizzugerðina og koma sjálfir með deigið og allt hráefni sem notað er á pizzuna, ásamt uppskrift. Hver keppandi fær 15 til 20 mínútur til að baka pizzuna. Að því loknu smakka dómarar pizzurnar og gefa þeim einkunn.

Áhugasamir geta fengið frekari upplýsingar um skráningu og reglur hjá Eggerti hjá ÓJK-ÍSAM. Hægt er að hafa samband í síma 856-2762 eða með tölvupósti á [email protected].

Fimmtudaginn 30. apríl klukkan 16:30 stendur Eyja vínstofa & bistro á Akureyri fyrir sérstökum pop-up viðburði í samstarfi við Kampavínsfjelagið þar sem kampavín er í aðalhlutverki. Um er að ræða skemmtilegt tilefni fyrir vini og vandamenn til að hittast og njóta saman í notalegu umhverfi.

Gestum gefst kostur á að smakka þrjú vönduð kampavín, hvert með sinn karakter og stíl. Um er að ræða Leclerc Briant Réserve Extra Brut, Piper-Heidsieck Brut Rosé og Pierre Gimonnet & Fils Oenophile Non Dosé. Lögð er áhersla á að kynna fjölbreytileika kampavína og gefa gestum tækifæri til að bera saman ólíkar aðferðir og bragðeinkenni.

Hápunktur kvöldsins verður þegar opnuð verður sex lítra flaska frá Philipponnat sem verður í boði á sérstöku verði yfir kvöldið. Slíkar stórflöskur sjást sjaldan hér á landi og setja ákveðinn svip á viðburði sem þennan.

Verð á viðburðinn er 5.500 krónur á mann og sæti eru takmörkuð. Frídagur daginn eftir gerir kvöldið enn meira spennandi fyrir þá sem vilja taka kvöldið með stæl.

Borðapantanir hér á Noona.

Dagana 1. og 2. maí mun Denis Grbic vera gestakokkur á veitingastaðnum Brasserie Kársnes.

MATSEÐILL:

Brauð
Kartöflubrauð og estragon smjör

Forréttur
Laxa og gulróta mozaik í nori
Soya perlur kremuð fiskisósa & hafþyrnisolía

Milliréttur
Grillaður hvítur aspas
Grafinn eggjarauða, sinnepskál & ísbúa ostakrem

Aðalréttur
Grillað Lambafille
Panisse, bökuð plóma & bordolaise sósa með reyktum merg

Eftirréttur
French toast
Mjaðjurta ís, söltuð karamella & bakstur

12.900 kr per mann
18.900 kr með vínpörun

Borðapantanir á Dineout.is.

Michel Chapoutier, eigandi M. Chapoutier vínhússins, kemur til Íslands og verður með Winemakers Dinner á EIRIKSSON Brasserie 15. maí 2026 kl. 19:00. Í boði verður 5 rétta matseðill frá Friðgeiri og hans liði, hannaður til að parast fullkomlega við innflutt vín frá M. Chapoutier.

Borðapantanir á Dineout.is

Worldchefs, áhrifamestu samtök matreiðslumanna í heiminum, verða með ráðstefnu, sýningu og keppni sem fram fer dagana 16.–19. maí 2026 í Newport í Wales.

Þema ráðstefnunnar að þessu sinni er „Pasture, Passion, Plate“, sem heiðrar ferðalag matarins frá uppruna til fullbúins réttar og undirstrikar hvernig matur tengir okkur öll – frá bónda til borðs, yfir landamæri og menningarheima.

Um 1.000 kokkar frá 110 löndum sækja ráðstefnuna, ásamt 30 alþjóðlegum fyrirlesurum og sérfræðingum úr atvinnulífinu. Þá verður jafnframt sýning 200 nýsköpunarfyrirtækja og sýnenda, og búist er við að viðburðurinn laði að um 6.000 þátttakendur víðs vegar að úr heiminum.

Global Chef keppnin fer fram samhliða ráðstefnunni, en þar mun Hinrik Örn Lárusson keppir fyrir Íslands hönd í Wales.

Heimasíða: www.worldchefscongress.org

Kynningarmyndband

RVK BBQ Festival fer fram við Kolaportið dagana 30. og 31. maí, en um er að ræða fyrstu sérhæfðu BBQ matarhátíð sinnar tegundar á Íslandi.

Hátíðin sækir innblástur til viðburða á borð við Meatopia í London og stórra BBQ-hátíða í Bandaríkjunum, en lögð er áhersla á íslenskt hráefni og nálgun.

Hátíðin verður haldin bæði utandyra og innandyra. Á útisvæðinu norðan Kolaportsins munu bestu grillarar landsins taka til hendinni, á meðan inni verður veitingasvæði, BBQ-matarmarkaður og keppt um titilinn Grillmeistari Íslands 2026.

Opnunartímar eru laugardaginn 30. maí frá klukkan 12:00 til 21:00 og sunnudaginn 31. maí frá klukkan 12:00 til 18:00.

Viðburðurinn er opinn öllum og er ætlað að höfða jafnt til fjölskyldna sem BBQ-áhugafólks og þeirra sem vilja einfaldlega njóta góðs matar og stemningar við sjávarsíðuna.