Tómlegt um að litast í Iðunni mathöll á Akureyri

Dregið hefur verið verulega úr starfsemi Iðunnar mathallar á Akureyri, að því er fram kemur í frétt á RÚV.

Fram kemur að færri rekstraraðilar séu nú starfandi í mathöllinni en áður og að umfang starfseminnar hafi minnkað umtalsvert. Mathöllin, sem áður var líflegur samkomustaður með fjölbreytt framboð veitinga, hefur því tekið talsverðum breytingum á skömmum tíma. Fjögur veitingabil standa nú auð og tómlegt er um að litast í mathöllinni.

Þeir Guðmundur og Aron eru hættir rekstri Iðunnar og Eik fasteignafélag hefur tekið yfir reksturinn, en félagið tók formlega við í lok mars 2026.

Iðunn mathöll á Akureyri var áður líflegur samkomustaður með fjölbreytt framboð veitinga.

Í skriflegu svari Eikar fasteignafélags til fréttastofu RÚV segir að félagið hafi brugðist við stöðunni með því að endurmeta nýtingu rýmisins og horfa til annarra möguleika í rekstri. Þar er jafnframt vísað til þess að markaðsaðstæður hafi breyst og haft áhrif á starfsemi veitingaaðila innan mathallarinnar.

Að mati nokkurra fyrrum rekstraraðila á Iðunni var mikill upphafskostnaður við mathöllina og sameiginlegur rekstrarkostnaður, svo sem vegna þrifa, það sem varð þeim að falli. Þeir telja að einfaldlega hafi verið of lítið að gera miðað við þann kostnað sem fylgdi rekstrinum.

Einnig kemur fram að unnið sé að því að finna nýjar lausnir fyrir húsnæðið, þó ekki liggi fyrir nákvæm útfærsla á næstu skrefum. Óvissa ríkir því um framtíð starfseminnar í núverandi mynd, en þróunin endurspeglar jafnframt breytt landslag í veitingarekstri þar sem samkeppni, kostnaðarhækkanir og breytt neyslumynstur hafa áhrif.

Myndir: úr safni / Smári / Veitingageirinn.is