Bransa kvöld á Sumac á sunnudag

Næstkomandi sunnudag, 26. apríl, stendur Klúbbur framreiðslumeistara fyrir svokölluðu bransa kvöldi á veitingastaðnum Sumac við Laugaveg. Viðburðurinn fer fram á milli klukkan 19 og 21 og er öllum opinn.

Að sögn skipuleggjenda verður boðið upp á léttar veitingar og vín, auk þess sem happy hour verður á barnum. Markmiðið er að skapa afslappað andrúmsloft þar sem fólk í faginu og aðrir áhugasamir geta hist, spjallað og tengst.

Kvöldið er einnig hugsað sem vettvangur til að kynna það sem fram undan er hjá klúbbnum og gefa innsýn í starfsemi hans á næstunni. Þetta er því gott tækifæri fyrir bæði reynslumikla og nýja í greininni að kynnast starfinu og fólkinu á bak við það.

Áhugasamir geta fengið frekari upplýsingar með því að senda fyrirspurn á netfangið [email protected].