Þessir hrepptu titilinn Framreiðslu-, og Matreiðslunemi ársins 2017 – Vídeó

Nú um helgina fór fram úrslitakeppni nema í matreiðslu og framreiðslu um titilinn Framreiðslu-, og Matreiðslunemi ársins 2017. Keppnin var haldin í Hörpu.

Keppnisfyrirkomulag

Verkefni matreiðslunema var að matreiða forrétt, aðalrétt og eftirrétt fyrir níu einstaklinga. Í forrétt var íslenskt haustgrænmeti. Rétturinn mátti ekki innihalda mjólkurafurðir eða hnetur framreitt er af fati. Í aðalrétt var kjúklingur og risottó ásamt heitri sósu. Aðalréttur var framreiddur af fati og í eftirrétt voru jarðarber, marens og heit sósa. Eftirrétturinn var framreiddur á diskum.

Verkefni framreiðslunemanna var eftirfarandi: Skriflegt próf um fagtengd málefni; blöndun áfengra- og óáfengra drykkja; eldsteikingu; fyrirskurð á heilum kjúkling; sérvettubrot; kvöldverðaruppdekkning fyrir fjóra rétti ásamt blómaskreytingu og framreiðsla á fjórum réttum ásamt vínum.

Úrslit

Matreiðslunemar ársins 2017

• Hinrik Lárusson nemi á Radisson Blu Hotel Saga
• Steinbjörn Marvin Björnsson nemi á Hörpu

Framreiðslunemar ársins 2017

• Sigurður Borgar nemi á Radisson Blu Hotel Saga
• Axel Árni Herbertsson nemi í Bláa lóninu

Auk verðlauna, bikar og gjafir fá þessir ungu herramenn einnig að launum þátttökurétt fyrir Íslands hönd í keppa í Norrænu nemakeppninni sem fram fer í Kaupmannahöfn dagana 20. – 21. apríl 2018.

Vídeó

Denis Grbic Kokkur ársins 2016 myndaði brot úr úrslitakeppni matreiðslu-, og framreiðslunema 2017:

[fbvideo link=“https://www.facebook.com/Veitingageirinn.is/videos/1580725711990941/“ width=“500″ height=“400″ onlyvideo=“1″]

Myndir frá keppninni verða birtar síðar.

Samansett mynd: úr einkasafni