Fastus auglýsir eftir söluráðgjafa stóreldhúsa

Fastus óskar eftir að ráða metnaðarfullan einstakling í hóp söluráðgjafa Fastus lausna. Um er að ræða fjölbreytt starf þar sem reynir meðal annars á þekkingu á stóreldhúsum og veitingaþjónustu, þjónustulund og lausnamiðað hugarfar.

Söluráðgjafar stóreldhúsa hjá Fastus sérhæfa sig í sölu á vörum og lausnum fyrir stóreldhús auk hönnunar eldhúsrýma. Leitað er að einstaklingi sem hefur þjónustumiðað viðhorf og víðtæka þekkingu á stóreldhúsum og veitingaþjónustu.

Helstu verkefni

• Fagleg ráðgjöf og sala á vörum og lausnum tengdum stóreldhúsum
• Hönnun stóreldhúsa
• Að styrkja og efla samskipti við viðskiptavini
• Öflun nýrra viðskiptatækifæra, tilboðsgerð og eftirfylgni með sölutækifærum
• Þátttaka í þróun og eflingu vöruframboðs
• Samskipti við erlenda og innlenda birgja
• Önnur tilfallandi verkefni

Menntunar- og hæfnikröfur

Menntun og reynsla á sviði matreiðslu er skilyrði og reynsla af sölu er kostur. Þá er lögð áhersla á ríka þjónustulund, jákvætt viðhorf og framúrskarandi samskiptahæfni.

Umsækjandi þarf jafnframt að búa yfir skipulagshæfni, frumkvæði og sjálfstæði í vinnubrögðum ásamt góðri tölvukunnáttu og góðri íslensku- og enskukunnáttu. Reynsla af teikniforritum er kostur.

Um Fastus

Fastus er framsækið þjónustufyrirtæki sem býður upp á fjölbreytt vöru- og lausnaframboð fyrir fyrirtæki og stofnanir, meðal annars í veitinga- og ferðaþjónustu og heilbrigðisrekstri. Hjá fyrirtækinu starfar samstilltur hópur fagfólks og lögð er áhersla á framúrskarandi þjónustu og lausnir sem mæta þörfum viðskiptavina.

Fastus hefur hlotið jafnlaunavottun og hjá fyrirtækinu starfar öflugt starfsmannafélag.

Umsóknarfrestur er til og með 24. september 2026.

Umsókn skal fylla út á ráðningarvef Intellecta og henni þarf að fylgja starfsferilskrá og kynningarbréf þar sem gerð er grein fyrir ástæðu umsóknar og þeirri hæfni sem nýtist í starfinu.

Nánari upplýsingar um starfið veita Thelma Kristín Kvaran og Vilborg Þórðardóttir hjá Intellecta.