Lærðu af einum fremsta matarljósmyndara Norðurlanda

Nú gefst einstakt tækifæri til að læra af sænska ljósmyndaranum Karl Petersson, einum fremsta matarljósmyndara Norðurlanda.

Kalli hefur áratuga reynslu af myndatökum fyrir matreiðslubækur, veitingastaði og matvælafyrirtæki. Á þessu hagnýta námskeiði kennir hann þér að skapa faglegt og áhrifaríkt myndefni með iPhone eða einfaldri myndavél, án flókins búnaðar.

Unnið verður með raunverulegar aðstæður úr matvæla- og veitingagreinum. Þú lærir að fanga rétti, vörur og stemningu þannig að myndirnar veki athygli, styrki vörumerkið og nýtist á samfélagsmiðlum, vefsíðum, matseðlum og í öðru kynningarefni.

Þú þarft ekki að vera ljósmyndari, aðeins vilja láta myndirnar vinna með þér.

Umsagnir þátttakenda á fyrri námskeiðum:

• „This course was amazing, with an awesome teacher. Karl is a great human.“
• „Frábært námskeið í alla staði, væri til í framhaldsnámskeið!“

Námskeiðið er kennt þrjá seinniparta frá kl. 14:00 til 18:00 og hefst 21. september.

Takmarkað sætaframboð.

Verð aðeins 12.500 kr. fyrir félagsmenn.

Skráning á námskeiðið er á Idan.is.