Einn flottasti Hátíðarkvöldverður á Íslandi á næsta leiti – Sjáðu mat-, og vínseðilinn hér

Hópmynd af matreiðslumönnum á hátíðarkvöldverði KM í fyrra

Hátíðarkvöldverður Klúbbs matreiðslumeistara fagnar nú 30. ára afmæli, en hann verður haldinn í Hörpu, laugardagskvöldið 7. janúar næstkomandi.

Fjöldi fagfólks vinnur endurgjaldslaust að undirbúningi kvöldsins og leggur metnað sinn í að skapa framúrskarandi upplifun sem um leið er ein helsta fjáröflun Klúbbs matreiðslumeistara.  Klúbburinn rekur Kokkalandsliðið og heldur keppni um Kokk ársins, auk fjölda annarra verkefna sem miða að því að efla matarmenningu okkar Íslendinga.

Glæsilegur hópur af framreiðslumönnum á Hátíðarkvöldverði Klúbbs matreiðslumeistara í Hörpu í fyrra

Uppselt í byrjun desember

Yfir 400 gestir fá þetta einstaka tækifæri að njóta kvöldverðar á heimsmælikvarða þar sem úrvalslið matreiðslumanna klúbbsins leika við hvern sinn fingur.  Miðasalan hófst um miðjan nóvember 2016 og var orðið uppselt í byrjun desember s.l., en miðaverð er 52.000 krónur.  Áætlað er að um og yfir 150 matreiðslumenn og nemar komi beint eða óbeint að því að gera kvöldið ógleymanlegt.

Það er Barþjónaklúbbur Íslands sem sér um þjónustuna á Hátíðarkvöldverði KM, en klúbbarnir hafa átt farsælt samstarf til margra ára.

Það er Bjarni Sigurbjörnsson sem hannaði listaverkadiskinn sem hver gestur fær að gjöf, en matseðla- og listaverkadiskarnir eru orðnir safngripir hjá mörgum.

Matseðill

Fordrykkur hefst kl. 18.00 í Hörpu.

Lystauki , Kokkalandsliðið

Sjóurriði, silungahrogn, sítrónu-eggjasósa
Júlía Skarphéðinsdóttir, KM Norðurland

Humar, beikon, fennel og epli
Jóel Þór Árnason & Stefán Elí Stefánsson, Perlan

Seljurótarseyði, ostrusveppir, hvönn
Steinar Sveinsson & Sveinn Steinsson, Matur og Drykkur

Langa, hörpuskel, hnúðkál, piparrót
Denis Grbic, Grillið

Villiönd, andarlifur, trufflur
Bjarni Siguróli Jakobsson & Jóhannes S Jóhannesson,  Geiri Smart

Kanína, jarðskokkar, blandaðir sveppir
Bjarni Gunnar Kristinsson & Georg Halldórsson Harpa

Skyr, karmellusúkkulaði , perur, rifsber
Ylfa Helgadóttir & Kokkalandsliðið

Konfekt
Sara Hochuli, Kumiko

Vínseðill

Bollinger Special Cuveé, Ay, Frakkland

Chanson Chablis, Bourgogne, Frakkland

Spy Valley Sauvignon Blanc, Marlborough, Nýja Sjáland

Víking Pils Organic, Akureyri, Ísland

Las Moras Reserva Chardonnay, San Juan, Argentína

Gnarly Head Authentic Red, Lodi, Bandaríkin

Rene Muré Signature Pinot Noir, Alsace, Frakkland

Las Moras Late Harvest Viogner, San Juan, Argentína

Chaqwa kaffi
Drambuie  – Skotland

Yfirmatreiðslumaður kvöldsins er Friðgeir Ingi Eiríksson.
Sommelier/vínþjónn er Gunnlaugur Páll Pálsson.

Myndir: Rafn Rafnsson.