Skráning hafin – Opna Dineout 10. ágúst á Hlíðavelli

Opna Dineout fer fram laugardaginn 10. ágúst á Hlíðavelli í Mosfellsbæ . Glæsileg vinningaskrá og allir velkomnir! Skráning er hafin á GolfBox hér.

Keppnisfyrirkomulag er Texas Scramble þar sem 2 eru í liði. Leikforgjöf lögð saman og deilt í með 4.

Glæsileg verðlaun fyrir fyrstu 3 sætin. Einnig verða veitt verðlaun fyrir sæti 9, 13 og 29. Nándarverðlaun á öllum par 3 holum og lengsta upphafshögg karla og kvenna á 8. braut. Leikmenn verða að hafa virka forgjöf til að geta unnið til verðlauna.

Leikið er samkvæmt móta- og keppendareglum GSÍ nema annað komi fram. Mótanefnd áskilur sér rétt til breytingar.

Veglegar teiggjafir fyrir alla þátttakendur!

Allir keppendur sem deila myndefni frá Opna Dineout mótinu á Instagram eiga möguleika á að vinna flotta aukavinninga. Merktu @dineouticeland á Instagram og þú ert kominn í pottinn.

Athugið í fyrra komust færri að en vildu þar sem Dineout Open er eitt glæsilegasta golfmót landsins. Vegleg vinningaskrá verður birt á næstunni.

Skemmtilegar myndir frá mótinu í fyrra má finna á með því að smella hér.