Food & Fun hátíðin hefst í dag

Í dag hefst matarhátíðin Food & Fun í Reykjavík og næstu daga taka veitingastaðir borgarinnar á móti gestakokkum víðs vegar að úr heiminum með sérstaka hátíðarmatseðla.

Hátíðin er orðinn fastur hápunktur ársins fyrir matgæðinga og býður upp á upplifanir þar sem íslenskt hráefni er sett í nýjar og skapandi útfærslur í höndum innlendra og erlendra matreiðslumanna. Næstu daga verður því sérstaklega mikið líf í bænum þegar Food & Fun fyllir veitingastaði borgarinnar af stemningu og sköpunargleði.

Í ár eru allar borðabókanir aðgengilegar á einum stað í gegnum Dineout, þar sem hægt er að skoða þátttökustaði og bóka borð fyrir kvöld hátíðarinnar. Þeir sem vilja tryggja sér sæti á uppáhalds kvöldunum sínum hafa ekki eftir neinu að bíða.

Eftirtaldir veitingastaðir taka þátt í Food & Fun 2026 ásamt gestakokkum:

Apotek Restaurant: Danitza Gabriela (Perú)

Brasa: Victor Planas (Spánn)

Bryggjuhúsið: Sáfy Homola (Slóvakía)

EIRIKSSON Brasserie: Flora Mikula & Beatriz Gonzales (Frakkland)

Finnsson: Tom Cook (Bretland)

Fiskmarkaðurinn: Mark Edwards (Bretland)

Fjallkonan: Diletta Zenna (Ítalía)

Geiri Smart: Jesse Miller (Bandaríkin)

Hjá Jóni Restaurant: Aleksi Lukka (Finnland)

Kastrup: Sylvia Vavik Flåten (Noregur / Mexíkó)

La Primavera / Harpa: Luigi Pomata (Ítalía)

La Primavera / Marshallhúsið: Christopher Basset (Bretland)

Lóla: Adam Dahlberg (Svíþjóð)

Skreið: Iñaki & Mikel López de Viñaspre (Spánn)

Sumac Grill + Drinks: Paco Omaña (Portúgal)

Sushi Social: Alejandro Pérez & Ismael de Jesús Olivar Avalos (Mexíkó)

Tides: Diego Muñoz (Perú)

Tres Locos: Carlos Barragán (Mexíkó)

Vox Brasserie & Bar: Ricardo Aquista (Spánn)

Bókanir fara fram á dineout.is og í Dineout appinu.

Nánari upplýsingar: foodandfun.is