Uppskrift – Lúxusborgarar með Reyki, sultuðum rauðlauk og hvítlaukssósu

Hér er á ferðinni dúndur samsetning. Það er einstaklega gott að setja ostinn Reyki með mildu reykbragði á hamborgara og sultaði rauðlaukurinn passar mjög vel með ostinum. Hvítlaukssósan bindur þetta svo allt saman.

Fyrir 4

4 hamborgarar

4 hamborgarabrauð

Salat

Tómatar

Súrar gúrkur

Köld hvítlaukssósa

Goðdala Reykir

Sultaður rauðlaukur:

 2 stórir rauðlaukar

1 msk ólífuolía

2 msk púðursykur

1 msk rauðvínsedik

1 msk balsamikedik

1 tsk sojasósa

Aðferð:

1. Gerið sultaðan rauðlauk: Sneiðið laukinn í þunnar sneiðar og steikið í ólífuolíu í litlum potti þar til mýkist. Setjið öll innihaldsefnin saman við og sjóðið við vægan hita í 15 mínútur þar til vökvinn hefur soðið niður og orðið eins og sulta.
2. Grillið hamborgarana og setjið á þá vænar sneiðar af Goðdala Reyki og látið bráðna.
3. Setjið hamborgana saman, með salati, tómötum, hvítlaukssósu, sultuðum rauðlauk og súrum gúrkum og njótið!