Gordon Ramsay undirbýr nýjan stað í hjarta London

Sea Containers hótelið í London þar sem nýr veitingastaður Gordon Ramsay verður opnaður síðar á árinu.

Gordon Ramsay heldur áfram að stækka veitingaveldi sitt í Bretlandi og hefur nú tilkynnt um opnun nýs veitingastaðar á hótelinu Sea Containers í miðborg London.

Nýi staðurinn, sem fær nafnið Gordon Ramsay at Sea Containers, er væntanlegur síðar á þessu ári og verður staðsettur við bakka Thames árinnar. Samkvæmt tilkynningu frá Gordon Ramsay Restaurants Global verður áherslan lögð á fágaða matarupplifun í nútímalegu umhverfi með útsýni yfir ána.

Opnunin er hluti af áframhaldandi sókn Ramsay í Lundúnum en undanfarin misseri hefur hann staðið að nokkrum áberandi verkefnum, þar á meðal Gordon Ramsay High, Lucky Cat by Gordon Ramsay, Bread Street Kitchen við 22 Bishopsgate og Hell’s Kitchen London nærri Marble Arch.

Um er að ræða samstarf milli Gordon Ramsay Restaurants Global og Lore Group sem á og rekur Sea Containers hótelið. Þetta er jafnframt annað samstarfsverkefni Ramsay við hótelrekstur sem kynnt hefur verið á þessu ári.

Fyrr á árinu kom einnig fram að Ramsay hygðist opna fyrsta fínni veitingastað sinn utan London í Bretlandi í meira en tvo áratugi, í samstarfi við Fairmont Cheshire.

Gordon Ramsay rekur í dag fjölda veitingastaða víðs vegar um heiminn og hefur byggt upp eitt þekktasta vörumerki veitingageirans á síðustu árum.

Mynd: seacontainerslondon.com