Gordon Ramsay fór í aðgerð til að fjarlægja húðkrabbamein

Hinn heimsþekkti kokkur Gordon Ramsay hefur gengist undir aðgerð til að fjarlægja húðkrabbamein af andliti sínu. Um er að ræða basal cell carcinoma, algengustu tegund húðkrabbameins, sem hafði myndast undir eyranu.

Í tilkynningu sinni á instagram þakkaði Ramsay læknateyminu hjá The Skin Associates fyrir skjót og örugg viðbrögð. Hann birti jafnframt ljósmyndir af skurðaðgerðinni þar sem greinilegt er að ör hefur myndast á kinninni. Þrátt fyrir alvarlegt tilefni lét hann ekki eftir sér að slá á létta strengi og skrifaði:

„Ekki gleyma sólarvörninni um helgina… og þetta er ekki andlitslyfting, annars myndi ég krefjast endurgreiðslu.“

Ramsay hefur lengi verið opin með eigin heilsu og notað vettvang sinn til að vekja athygli á mikilvægi forvarna. Sérfræðingar í húðlækningum leggja áherslu á að basal cell carcinoma myndist gjarnan á svæðum sem verða fyrir mikilli sólargeislun, svo sem á andliti, hálsi og öxlum. Þeir hvetja fólk til reglulegrar notkunar á góðum sólarvörnum, með háu SPF, auk þess að huga að klæðnaði og varast langvarandi sólardvöl.

Þetta er ekki í fyrsta sinn sem Ramsay deilir eigin reynslu af heilsubresti til að minna á varúð. Í fyrra lenti hann í alvarlegu hjólreiðaslysi og nýtti þá reynslu til að leggja áherslu á mikilvægi hjálma. Nú beinir hann sjónum að sólarvörninni og vekur athygli á því að húðkrabbamein getur komið fram án mikilla fyrirvara.

Gordon Ramsay, sem hefur um árabil verið meðal ástsælustu sjónvarpskokka heims, tekst þannig að sameina einlæga frásögn af persónulegum veikindum við skarpa kímni. Með því nær hann að opna umræðu um alvarlegt heilbrigðismál sem snertir marga, á þann hátt sem enginn annar gerir eins og hann.

 

View this post on Instagram

 

A post shared by Gordon Ramsay (@gordongram)

Myndir: Instagram / gordongram