Gert Klötzke heldur áfram að móta íslenska dómgæslu

Góð þátttaka á dómaranámskeiði í Reykjavík þar sem Gert Klötzke miðlaði áratuga reynslu og alþjóðlegum viðmiðum.

Alþjóðlegt dómaranámskeið var haldið í Reykjavík þann 20. október 2025 í samstarfi við Worldchefs og Iðuna fræðslusetur.

Góð þátttaka og stemning einkenndu daginn þar sem bæði reyndir og nýir dómarar komu saman til fræðslu, endurmenntunar og uppbyggilegrar umræðu um gæði og fagmennsku í keppnisdómgæslu.

Námskeiðið var leitt af hinum goðsagnakennda Gert Klötzke, sem hefur um áratugaskeið verið einn virtasti leiðbeinandi í heiminum. Hann hefur að öllum líkindum frætt og menntað flesta íslenska dómarana í gegnum tíðina og átt stóran þátt í að móta þau faglegu viðmið sem einkenna íslenskar matreiðslukeppnir í dag.

Þátttakendur komu víða að og var námskeiðið bæði vettvangur endurmenntunar og upphaf nýrrar starfsferils í dómarastörfum. Sumir tóku þátt til að endurnýja réttindi sín, aðrir til að stíga sín fyrstu skref í átt að alþjóðlegri dómgæslu. Áhersla var lögð á faglega nálgun, virðingu fyrir keppendum og samræmda túlkun á alþjóðlegum matsviðmiðum.

Árangur námskeiðsins undirstrikar mikilvægi símenntunar og samstarfs innan fagstéttarinnar. Með samvinnu Klúbbs Matreiðslumeistara, Worldchefs og Iðunnar fræðsluseturs var lögð áhersla á að efla gæði, tengslanet og faglegt öryggi þeirra sem taka þátt í að móta framtíð íslenskra matreiðslukeppna.

Klúbbur Matreiðslumeistara þakkar öllum þátttakendum fyrir frábæran dag, og sérstaklega Gert Klötzke fyrir ómetanlegt framlag til íslenskrar dómgæslu í gegnum árin.

Mynd: Klúbbur Matreiðslumeistara