Negroni hlaupið lífgar upp á Austurvöll

Negroni hlaupið á Íslandi 2026 fer fram fimmtudaginn 24. september á Austurvelli í Reykjavík. Þar mætast hreyfing, góð stemning og ítalskur elegans með heldur óhefðbundnum hætti.

Hlaupið er hluti af dagskrá Negroni Week, en samhliða því verður boðið upp á fjölbreytta dagskrá. Yfir 40 staðir verða jafnframt með sérstakan Negroni seðil alla vikuna.

Þrír hringir um Austurvöll

Negroni hlaupið fer fram á milli kl. 17 og 18 og verður hlaupið þrjá hringi um Austurvöll. Upphaf og endir hlaupsins verður við Gilligogg.

Fyrirkomulagið er einfalt. Allir þátttakendur hefja hlaupið með glas með klaka frá Klakavinnslunni.

Að loknum fyrsta hring velja þátttakendur á milli Tanqueray, Gin Mare, Marberg, Lost Explorer, Amaro Montenegro og Don Julio. Eftir annan hring er Campari bætt í glasið og fyrir síðasta hringinn velja þátttakendur Cocchi Vermouth að eigin vali.

Sá sem kemur fyrstur í mark með fullbúinn Negroni vinnur hlaupið.

Skráning fer fram á Bar.is og takmarkaður fjöldi kemst að.

Hrafnkell gestabarþjónn á Gilligogg

Að hlaupi loknu tekur við lífleg stemning og tónlist og verður að sjálfsögðu boðið upp á Negroni fyrir þá þátttakendur sem náð hafa löglegum aldri.

Hrafnkell Gissurarson, sigurvegari Negroni Week árin 2023 og 2024, verður gestabarþjónn á Gilligogg frá kl. 18 til 20.

Áfengislausir valkostir verða einnig í boði.

Þátttakendur eru hvattir til að safna saman vinahópnum og taka þátt, en þar sem takmarkaður fjöldi kemst að er ráðlagt að tryggja sér þátttöku tímanlega.

Negroni hlaupið er haldið af Barþjónaklúbbi Íslands í samstarfi við Ölgerðina og Drykk.

Njótið áfengis af ábyrgð. 20 ára aldurstakmark er á áfenga drykki.

Fjölbreytt dagskrá verður í boði á Negroni Week dagana 21. til 27. september