Boðið í ferð fyrir fagfólk í veitingageiranum

Dagskrá kynningarferðarinnar miðvikudaginn 23. september, þar sem veitingafólki gefst kostur á að heimsækja fjóra íslenska framleiðendur í tengslum við Negroni Week.

Samtök Eimingarhúsa bjóða veitingafólki í sérstaka kynningarferð miðvikudaginn 23. september þar sem heimsótt verða fjögur íslensk eimingarhús.

Viðburðurinn er haldinn í samstarfi við Klakavinnsluna og Barþjónaklúbb Íslands í tengslum við Negroni Week.

Í ferðinni gefst fólki úr veitingageiranum tækifæri til að líta inn fyrir dyr íslenskra eimingarhúsa, kynnast framleiðsluaðferðum þeirra og smakka á því sem þar er framleitt.

Þátttaka er veitingafólki að kostnaðarlausu en sætafjöldi í rútunni er takmarkaður. Því er áhugasamt fagfólk hvatt til að skrá sig tímanlega.

Bransaspjall yfir Negroni

Síðasti viðkomustaður ferðarinnar verður hjá Þoran Distillery, framleiðanda Marberg gins. Þar verður ferðinni lokið með léttu bransaspjalli yfir Negroni, auk þess sem boðið verður upp á smakk frá Cocchi og bjór frá Ölgerðinni.

Skráning í ferðina fer fram með tölvupósti á [email protected].

Fjölbreytt dagskrá verður í boði á Negroni Week dagana 21. til 27. september