Snapchat veitingageirans: Frá 1 árs afmæli Matar og Drykkjar til New York

Gísli Matthías Auðunsson matreiðslumeistari

Síðastliðna daga hefur Gísli Matthías Auðunsson eigandi veitingastaðarins Matar og Drykkjar verið með Snapchat Veitingageirans þar sem skyggnst hefur verið á bak við tjöldin hjá þessum skemmtilega veitingastað.

Heppnir Snapchat Vinir Veitingageirans fengu gjafabréf en staðurinn varð eins árs 21. janúar s.l. og heldur upp á afmælið með því að bjóða upp á sérstakan níu rétta þorramatseðil á aðeins 6.990 kr. í stað 9.990 kr. Auk þess mun Víking Ölgerð para réttina með nýjum bjór frá þeim, sem er að koma á markað.

Við þökkum Gísla og hans starfsfólki fyrir frábæra skemmtun.

Viktor Örn Andrésson

Viktor Örn á Snapchat veitingageirans

Næstur með Snapchat veitingageirans er Viktor Örn Andrésson matreiðslumaður.  Viktor verður næsti Bocuse d´Or kandídat, en hann er staddur núna í New York og byrjaði á Snapchat með því að sýna upphitað klósett á hótelinu í New York ásamt stýringakerfi fyrir klósettið.

Ekki missa af skemmtilegu snappi frá Viktori og addaðu: veitingageirinn

Myndir: Skjáskot úr Snapchat veitingageirans