Myndir frá hátíðinni Réttir Food Festival – Þórhildur: „Nú er aðeins seinni hálfleikur að byrja…“

Hátíðin Réttir Food Festival hefur gengið mjög vel en hún hófst 16. ágúst s.l. og stendur yfir til 25. ágúst næstkomandi. Hátíðin er haldin í fyrsta skipti á Norðurlandi vestra og eru það veitingahúsaeigendur og framleiðendur sem standa að þessari flottu matarhátíð.

Fjölmargir viðburðir eru í boði yfir hátíðina og njóta gestir svo sannarlega skemmtilega upplifun um fræðslu á mat og menningu á svæðinu sem er frá Laugarbakka í Miðfirði, út í Fljót í Skagafirði.

„Nú er aðeins seinni hálfleikur að byrja og hingað til hefur mæting á viðburði verið mjög góð. Á morgun [22. ágúst] er mjög stór dagur þar sem átta viðburðir eru í boði víðsvegar um Norðurland vestra. Dagskrá helgarinnar er einnig mjög fjölbreytt og áhugaverð.“

sagði Þórhildur Jónsdóttir matreiðslumaður og verkefnastjóri hátíðarinnar í samtali við veitingageirinn.is, aðspurð um aðsóknina.

Dagskrána er hægt að skoða á heimasíðu hátíðarinnar hér: www.rettir.is

Fylgist einnig með á facebook síðu hátíðarinnar með því að smella hér.

Með fylgja myndir frá hátíðinni fram til dagsins í dag.

Myndir: Þórhildur Jónsdóttir / rettir.is