Myndaveisla: Hátíðarkvöldverður Klúbbs matreiðslumeistara 2024

Hinn árlegi hátíðarkvöldverður Klúbbs matreiðslumeistara var haldin í byrjun janúar eins og hefð hefur verið fyrir. Kvöldverðurinn að þessu sinni var haldin á Hilton Nordica og tókst frábærlega.

Félagar í Barþjónaklúbbi Íslands sá um þjónustuna, Viðjur sáu um blómaskreytingar og Sena sá um skipulag ásamt félögum í Klúbbi matreiðslumeistara.

Sigurður Borgar Ólafsson og Andrea Guðrúnardóttir voru vínþjónar kvöldsins og nutu aðstoðar ungra þjóna. Listaverkadiskurinn var í höndum Maríu Ólafsdóttur listakonu.

Yfirkokkur kvöldsins var Arnar Darri Bjarnason.

Ábyrgðarmenn rétta voru:

Lystaukar – Kokkalandsliðið
Bleikur fiskur – Bjarni Gunnar Kristinsson Hilton Nordica.
Hvítur fiskur – Logi Helgason Strikið Akureyri.
Haf og hagi – Monica Daniela Panait, Hótel Geysir og Bjarni Haukur Guðnason, Hvíta húsið.
Önd – Sindri Guðbrandur, Flóra
Hreindýr – Úlfar Finnbjörnsson, Grand Hótel.
Ostur og ostur og ostur – Einar Björn Halldórsson, Hótel Klaustri og Bjarki Long, Mjólkursamsölunni.
Nammi – Bakaralandsliðið.
Konfektmoli ársins og kokteill – Sunneva Kristjánsdóttir og Barþjónaklúbburinn.

„…maturinn listilega góður!“

Slegið á létta strengi.
Eliza Reid og Teitur Riddermann Schiöth forseti Barþjónaklúbbsins

Eliza Jean Reid forsetafrú var á meðal gesta á hátíðarkvöldverðinum. Eliza er verndari Kokkalandsliðsins og hlotnaðist hún þann heiður árið 2018, en hlutverk verndara er að auka meðal annars sýnileika verkefna Kokkalandsliðsins.

Þetta sagði Eliza Reid meðal annars um kvöldverðinn:

„Ég nýt þess heiðurs að vera verndari Kokkalandsliðsins og sótti um helgina árlegan hátíðarkvöldverð Klúbbs matreiðslumeistara, sem haldinn er til fjáröflunar fyrir liðið og eflingar á íslenskri matargerðarlist. Eins og alltaf var virkilega gaman og maturinn listilega góður!“

Meðfylgjandi myndir tók Mummi Lú.