Vertu memm

Frétt

Mest lesnu fréttir ársins 2017 á veitingageirinn.is

Birting:

þann

Eftirfarandi listi sýnir tuttugu vinsælustu fréttirnar á árinu 2017. Að meðaltali eru um 55 þúsund manns sem heimsækja veitingageirinn.is í hverjum mánuði.

Fréttir ársins á veitingageirinn.is eru fjölbreyttar og til gamans má geta þess að tveir aðsendir pistlar eru í tveimur efstu sætunum eftir Hilmar B. Jónsson matreiðslumeistara.

Þvílík óvirðing fyrir iðnaðarmönnum þessa lands

Iðnám - Matreiðslunámið

Mynd: aðsend / Hilmar B. Jónsson

Stundum getur maður ekki orða bundist. Hér koma upp hvert málið á fætur öðru þar, sem “Hið Háa“ Alþingi samþykkir lög með öllum greiddum atkvæðum sem maður gæti haldið að þetta fólk hafi ekki einu sinni lesið, hvað þá heldur skoðað hvað þau voru að skrifa undir.  Lesa meira. | Fleiri fréttir um iðnaðarmálið hér.

Mikil vonbrigði með “Matarmarkaðinn” á Hlemmi

Hlemmur - Matarmarkaður

Mynd: Hilmar B. Jónsson

Gerði mér ferð á Hlemm í gær til að versla á „Matarmarkaðnum“ sem borgin sagði að yrði í gamla strætó skýlinu. Var að hugsa um að kaupa kannski osta og áleggspylsur. Að sjálfsögðu var smá mál að finna bílastæði en fannst að lokum.  Lesa meira. | Fleiri fréttir um Mathöllina hér.

Svona lítur matseðillinn hjá Costco veisluþjónustunni út

Costco veisla

Mikið að gera í Costco bakaríinu
Mynd: Smári / Veitingageirinn.is

Costco býður upp á fjölbreyttann matseðil fyrir þá sem eru í veisluhugleiðingum, t.a.m. veislubakka með samlokum og vefjum, ítalska forrétti, sushibakka, eftirrétta-, og ávaxtabakka að auki mikið úrval af kökum, skreyttar þá sérstaklega fyrir þitt afmæli svo fátt eitt sé nefnt.  Lesa meira.  | Fleiri fréttir um Costco hér.

Nýi veitingastaðurinn á Laugaveginum mun bera nafnið Sumac – Myndir frá framkvæmdum

Sumac Grill + drinks

Myndir: facebook / Sumac Grill and Bar

Nýi veitingastaðurinn, sem að Þráinn Freyr Vigfússon matreiðslumaður er á meðal eigenda, mun bera nafnið Sumac Grill + drinks. Staðurinn er staðsettur við Laugaveg 28 og í sama húsi er verið að reisa glæsilegt ION-Hótel.  Lesa meira.  | Fleiri fréttir um Sumac hér.

Þessir íslensku veitingastaðir eru á nýjasta Norræna veitingastaðalistanum

White Guide Nordic 2017 / 2018

Mynd: White Guide Nordic

Nú rétt í þessu var tilkynnt hvaða veitingastaðir eru á White Guide Nordic listanum sem út kemur 26. júní næstkomandi.  Lesa meira.  | Fleiri fréttir um veitingastaðalistann hér.

MAT BAR er nýr veitingastaður á Hverfisgötu

MAT BAR

Mynd: facebook / Mat Bar

MAT BAR er hugarfóstur Guðjón Haukssonar athafnamanns, hann hefur leitt verkefnið af mikilli hugsjón og skapað þennan stað sem er nú að opna í fallegu húsnæði við Hverfisgötu 26.  Lesa meira.  | Fleiri fréttir um Mat Bar hér.

Matstöðin opnar í Kópavogi

Matstöðin í Kópavogi

Geir Brynjólfsson og Brynjólfur Jósteinsson
Mynd: Ólafur Sveinn Guðmundsson

Langt úti á Kársnesinu stendur lítill „skúr“ eða sjoppa sem hefur staðið þarna svo lengi sem elstu menn muna og er eitt af upprunalegu húsum Vesturbæjar Kópavogs. Þessi sjoppa lætur ekki mikið yfir sér þó að hún hafi þjónað nokkrum kynslóðum og borið nokkur nöfn. Sum voru að sjálfsögðu fínni en önnur, en fyrir okkur frumbyggja Kópavogsins er þetta bara „Sigga Sjoppa“. Opinberlega var það Biðskýlið Kársnesi.  Lesa meira.  Fleiri fréttir um Matstöðina hér.

Ölverk Pizza & Brugghús opnar í Hveragerði

Nýr veitingastaður - Ölverk Pizza & Brugghús í Hveragerði

Fyrsta brugghúsið í Evrópu sem notast við jarðgufu við framleiðslu bjórs
Mynd: facebook / Ölverk Pizza and Brugghús

Ölverk Pizza & Brugghús opnar núna í maí í hjarta Hveragerðis en veitingastaðurinn er staðsettur við Breiðumörk 2 og hinu megin við hornið í sama húsi og Ölverk, er að finna Álnavörubúðina sem að svo margir kannast við. Ölverk mun sérhæfa sig í eldbökuðum pizzum og sérbrugguðum bjór.  Lesa meira.  | Fleiri fréttir um Ölverk hér.

Gordon Ramsay opnar veitingastað á Íslandi – (1. aprílgabb)

Laugavegur 59

Mynd: Smári / Veitingageirinn.is

Stjörnukokkurinn Gordon Ramsay er staddur hér á Íslandi og er í óða önn að undirbúa opnun á nýjum veitingastað á Laugavegi 59 á annarri hæð.  Lesa meira.  Fleiri fréttir um Nostra hér.

O’Learys til Íslands | Opnar í Smáralindinni

O'Learys opnar í Smáralindinni

Mynd: Skjáskot úr O’Learys myndbandi

O’Learys veitingahúsakeðjan opnar á Íslandi í fyrsta sinn og verður staðsett í Smáralindinni.  Stofnandi O’Learys Jonas Reinholdsson opnaði fyrsta O’Learys veitingastaðinn árið 1988 í Gautaborg í Svíþjóð. Í dag eru yfir 140 staðir víða um heim og um 3 milljónir manna borða ár hvert á O’Learys veitingastöðum og er mest vaxandi veitingahúsakeðja í heimi.  Lesa meira.  | Fleiri fréttir um O’Learys hér.

Bein útsending – Bocuse d´Or

Viktor Örn Andrésson

Viktor Örn Andrésson
Mynd: Etienne Heimermann

Bein útsending verður frá Bocuse d´Or í Lyon í Frakklandi þar sem Viktor Örn Andrésson keppir fyrir Íslands hönd. Beina útsendingin verður dagana 24. og 25. janúar 2017 og hefst hún klukkan 08:00 báða dagana og verðlaunaafhendingin er 25. janúar klukkan 17:00 á íslenskum tíma.  Lesa meira.  | Fleiri fréttir um Viktor hér og Bocuse d´Or hér.

Hvaða 5 keppendur keppa til úrslita um titilinn Kokkur ársins 2017?

Veitingastaður - Eldhús

Mynd: úr safni

Þessir 12 matreiðslumenn eru komnir í undanúrslit í keppninni Kokkur ársins 2017.  Lesa meira.  | Fleiri fréttir um keppnina Kokkur ársins hér.

Gastro Truck nýtur vinsælda í einkaveislum

The Gastro Truck

Linda Björg Björnsdóttir og Gylfi Bergmann Heimisson eru eigendur matarbílsins The Gastro Truck
Mynd: facebook / The Gastro Truck

Matarbíllinn Gastro Truck er nýkomin á götuna þar sem “Crispy Spicy” kjúklingaborgarar, þorskhnakki í sætkartöfluvefju með pikkluðum rauðrófuteningum og jógúrt remúlaði, hægeldaðar nautakinnar í brauði með hrásalati svo fátt eitt sé nefnt.  Lesa meira.  | Fleiri fréttir um Gastro Truck hér.

Þrír Íslenskir kokkar opna Le KocK

Le KocK

Framkvæmdir í Mathöllinni.
Knútur Hreiðarsson
Mynd: aðsend

Nýjasta viðbótin í röð kaupmanna á Hlemmi er Le KocK, en þeir sem standa á bak við Le KocK eru kokkarnir Karl Óskar Smárason, Knútur Hreiðarsson og Markús Ingi Guðnason.  Lesa meira.  | Fleiri fréttir um Le KocK hér.

Nýtt Fine Dining veitingahús í miðbæ Reykjavíkur

Nostra

Mynd: facebook / Nostra

Nostra er metnaðarfullt veitingahús sem mun opna í byrjun júní að Laugavegi 59 og leitum við að góðum viðbótum við okkar ört stækkandi fjölskyldu.  Lesa meira.  | Fleiri fréttir um Nostra hér.

Le kock strákarnir opna veitingastað í Ármúla

Le KocK

F.v. Knútur Hreiðarsson, Markús Ingi Guðnason og Karl Óskar Smárason
Mynd: skjáskot úr myndbandi

Le KocK er nýjasta viðbót í veitingaflóru Reykjavíkur. Í byrjun stóð til að opna matarvagn undir merkjum Le KocK sem átti fyrst um sinn vera staðsettur í Reykjavík, vera með PopUp stað í Mathöllinni á Hlemmi og síðar ferðast um landið, en nú er breyting á.  Lesa meira.  Fleiri fréttir um Le KocK hér.

Eftirlitsmenn frá Michelin ánægðir með Íslenska veitingastaði – 5 veitingastaðir fá viðurkenningu

Michelin Guide

Mynd: MichelinGuide.com

Eins og kunnugt er þá hlaut veitingastaðurinn DILL Michelin stjörnu og er hann fyrsti íslenski veitingastaðurinn til að hljóta Michelin stjörnu. Verðlaunin voru afhent í Stokkhólmi í morgun vegna nýútkomnum Michelin guide 2017 og að auki fengu fjögur önnur íslensk veitingahús viðurkenningu.  Lesa meira.  |  Fleiri Michelin fréttir hér.

Falinn fjársjóður í Skaftafelli

Glacier Goodies - Skaptafell

Stefán Þór matreiðslumeistari
Mynd: Ólafur Sveinn Guðmundsson

Hér um daginn var ég á ferð um Suðurlandið sem er svo sem ekki í frásögu færandi. Ég hafði ekki farið austur lengi eða ekki eftir að ferðamannaflóðið mikla skall á, þannig að ég var spenntur og forvitinn að sjá breytingarnar. Eins og alþjóð veit þá hafa sprottið upp fjöldi veitingastaða við þjóðveginn og eðli málsins samkvæmt nokkuð misjafnir af gæðum en ég ætla ekki að að dæma um þá hér.  Lesa meira.  |  Fleiri fréttir um Glacier Goodies hér.

Friðgeir hættir á Holtinu og opnar nýjan veitingastað á nýju ári

Friðgeir Ingi Eiríksson

Friðgeir Ingi Eiríksson
Mynd: aðsend

Friðgeir Ingi Eiríksson yfirmatreiðslumaður á Gallery Restaurant á Hótel Holti hefur ákveðið að hætta um áramótin næstkomandi og opna nýjan veitingastað Brasserie Eiriksson á nýju ári. Friðgeir hefur starfað á Holtinu frá árinu 1997 með stuttu hléi (byrjaði sem matreiðslunemi) eða fimm ár á meðan hann var í Frakklandi.  Lesa meira.  |  Fleiri fréttir um Brasserie Eiriksson hér.

Bocuse d´Or: Ísland á verðlaunapall

Bocuse d´Or 2017

Íslenska liðið ásamt stuðningsmönnum.
Mynd: Þráinn Freyr Vigfússon

Veitingageirinn.is óskar ykkur öllum árs, friðar og farsældar á komandi ári og þökkum frábæra samveru á árinu sem er að líða og hlökkum til að takast á við ný verkefni á árinu 2018.

 

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Frétt

Frumvarp um framlengingu lokunarstyrkja samþykkt í ríkisstjórn

Birting:

þann

Veitingastaður

Ríkisstjórnin samþykkti í dag að leggja fyrir Alþingi frumvarp til laga um breytingu á lögum um fjárstuðning til minni rekstraraðila. Frumvarpið felur í sér framlengingu lokunarstyrkja til þeirra sem hafa tímabundið þurft að loka starfsemi sinni vegna sóttvarnaráðstafana og orðið af verulegum tekjum vegna þess. Lagt er til að úrræðið verði í öllum meginatriðum sambærilegt og gilt hefur um fyrri lokunartímabil í faraldrinum.

Lagt er til að hámarksfjárhæð lokunarstyrkja verði hækkuð úr 260 millj. kr. í 330 millj. kr. en hækkunin er í samræmi við tímabundinn ramma Evrópusambandsins um ríkisaðstoð til stuðnings hagkerfinu vegna heimsfaraldurs Covid-19. Upphaflega gilti tímabundni ramminn til 31. desember 2020 en hann hefur verið framlengdur og gildir nú út júní 2022.

Gert er ráð fyrir að sótt verði um styrkina á vef Skattsins, þar sem nánari skilyrði verða tilgreind.

11 milljarðar í beina styrki

Frá upphafi heimsfaraldursins í mars 2020 hafa stjórnvöld veitt fjölbreyttan stuðning í úrræðum fyrir einstaklinga og rekstraraðila. Má auk lokunarstyrkja nefna viðspyrnu- og tekjufallsstyrki, útgreiðslu séreignarsparnaðar, sérstakan barnabótaauka og fleiri aðgerðir til verndar og viðspyrnu vegna heimsfaraldursins en heildarumfang COVID ráðstafana árin 2020 og 2021 nam 215 milljörðum króna.

Helstu sértæku efnahagsúrræði stjórnvalda vegna faraldursins runnu sitt skeið á nýliðnu ári en samhliða kröftugum efnahagsbata á árinu hafði aðsókn í úrræðin minnkað . Þá hafa sértæk úrræði stjórnvalda vegna faraldursins nýst fyrirtækjum í ferðaþjónustu vel, sem og fyrirtækjum í veitingarekstri. Alls hafa fyrirtæki í veitingarekstri fengið 11 ma.kr. í beina styrki frá hinu opinbera auk þess sem greinin hefur nýtt sér ríkistryggð lán fyrir ríflega 2 ma.kr. og skattfrestanir.

Fyrr í vikunni var, í ljósi hertra sóttvarnartakmarkana, mælt fyrir frumvarpi um sérstaka veitingastyrki á Alþingi og frumvarpi sem heimilar fyrirtækjum í tilteknum flokkum veitingaþjónustu, sem hafa orðið að sæta takmörkunum á opnunartíma, að fresta staðgreiðslu skatta og greiðslu tryggingagjalds.

Mynd: úr safni

Lesa meira

Frétt

Mælt fyrir frumvarpi um veitingastyrki á Alþingi – Getur numið 90% af rekstrarkostnaði fyrir hvern almanaksmánuð

Birting:

þann

Veitingastaður

Mælt var fyrir frumvarpi fjármála- og efnahagsráðherra um styrki til rekstraraðila veitingastaða sem hafa sætt takmörkunum á opnunartíma vegna Covid-19 á Alþingi í dag. Í frumvarpinu er gert ráð fyrir að einstakir rekstraraðilar geti fengið að hámarki um 10-12 milljóna styrk á fjögurra mánaða tímabili.

Fyrirhugaðir veitingastyrkir fela í sér áframhaldandi stuðning við mikilvæga atvinnugrein sem hefur orðið fyrir tjóni vegna sóttvarnartakmarkana síðustu vikur. Úrræðin í frumvarpinu byggjast í öllum meginatriðum á grunni viðspyrnustyrkja sem veittir voru á síðasta ári en eru sérsniðin að veitingarekstri, sem hefur sætt takmörkunum umfram flestar atvinnugreinar.

Getur numið 90% af rekstrarkostnaði fyrir hvern almanaksmánuð

Lagt er til að rekstraraðilar veitingastaða sem hafa orðið fyrir minnst 20% tekjufalli í almanaksmánuði frá desember 2021 til mars 2022, vegna takmarkana á opnunartíma, geti fengið styrk til að mæta rekstrarkostnaði á tímabilinu. Úrræðið er ekki bundið við fyrirtæki með langa rekstrarsögu, heldur er gert ráð fyrir að veitingastaðir sem opnuðu í fyrra geti notið úrræðisins – að því gefnu að önnur skilyrði laganna séu uppfyllt.

Styrkurinn getur numið 90% af rekstrarkostnaði þann almanaksmánuð sem umsókn varðar, en ekki hærri fjárhæð en nemur tekjufalli rekstraraðila viðkomandi mánuð. Styrkurinn getur jafnframt ekki orðið hærri en að 500 þús. kr. fyrir hvert stöðugildi á mánuði á tímabilinu og allt að 2,5 m.kr. á mánuði ef tekjufall var 20-60% en allt að 600 þús.kr. fyrir hvert stöðugildi og allt að 3 m.kr. á mánuði ef tekjufall var meira en 60%. Samanlagðir styrkir til einstakra rekstraraðila vegna tímabilsins alls geta því að hámarki orðið 10 til 12 m.kr.

Samkvæmt frumvarpinu þurfa umsækjendur að uppfylla skilyrði um skattskyldu á Íslandi, lágmarksumsvif, skilvísi á opinberum gjöldum og gögnum til Skattsins og um að vera ekki í gjaldþrotameðferð.

Líkt og gildir um lokunar-, tekjufalls- og viðspyrnustyrki er lagt til að bæði umsóknar- og ákvörðunarferli vegna styrkjanna verði rafrænt og að framkvæmdin verði falin Skattinum.

Gott samtal við fulltrúa fyrirtækja í veitingarekstri

Frumvarpið sem mælt var fyrir í dag byggist m.a. á góðu samtali fjármála- og efnahagsráðuneytisins við fulltrúa fyrirtækja í veitingarekstri, en alls hafa fyrirtæki í greininni fengið um 11 milljarða króna í beina styrki frá hinu opinbera vegna faraldursins. Með áframhaldandi stuðningi er markmiðið, eins og áður, að draga úr tjóni, tryggja að neikvæð áhrif á atvinnulíf og efnahag vari sem skemmst og skapa aðstæður fyrir öfluga viðspyrnu í kjölfarið.

Mynd: úr safni

Lesa meira

Frétt

Ólögleg sykurtegund í lágkolvetnafæði – Sala á vörunni er óheimil í Evrópu

Birting:

þann

Ólögleg sykurtegund í lágkolvetnafæði - Sala á vörunni er óheimil í Evrópu

Matvælastofnun varar við Good Dees sugar free maple syrup og chocolate chips sem fyrirtækið Focused ehf. flytur inn og selur í netsölu. Alluosa sykurtegundin sem er í vörunum er flokkað sem nýfæði í Evrópu sem hefur ekki farið í áhættumat og ekki vitað hvort það sé öruggt til neyslu.

Salan er því óheimil í Evrópu.

Heilbrigðiseftirlitið í Hafnarfirði, Garðabæ og Kópavog hefur farið fram á það við innflytjandann að fjarlægja vöruna úr netsölu og innkalla frá neytendum. Fréttatilkynning frá heilbrigðiseftirlitinu hefur verið birt.

  • Vörumerki: Good Dees
  • Vöruheiti: Sugara free maple syrup og chocolate chips
  • Framleiðandi: Good Dees
  • Innflytjandi: Focused ehf., Funalind 13, 201 Kópavogur
  • Lotunúmer/best fyrir dagsetningar: Allar lotur / dagsetningar
  • Dreifing: www.lowcarb.is

Nánari upplýsingar fást hjá Heilbrigðiseftirliti Hafnarfjarðar- og Kópavogssvæðis í netfanginu [email protected]

Samsett mynd: heilbrigdiseftirlit.is

Lesa meira

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið