Þrír Íslenskir kokkar opna Le KocK – Verða með PopUp í Mathöllinni á Hlemmi

Frumlegir réttir hjá Le KocK og líta óstjórnlega vel út!
Á meðal rétta sem að Le KocK býður upp á er:
Íslensk vaffla með cornflakes kjúkling, hrásalati, sítrónupikkluðum agúrkum og sinneps majónesi.
~0~
Kleinuhringur fylltur með sætri súrmjólk og hjúpaður með púðursykur karamellu og hunangs cheerios.
~0~
Djúpsteikt smælki með fetaosti, vínberjum, vorlauk og hnetum.
~0~
Kleinuhringur sem tengir við kókómjólk og kringlu en hann er fylltur með kúmen bragðbættri mjólkursúkkulaðimús og hjúpaður með súkkulaðikremi og kristölluði súkkulaði.
~0~
Smælkiréttur með tómat chimmichurri, djúpsteiktri svínasíðu, grilluðum maís og sýrðum rjóma.

Nýjasta viðbótin í röð kaupmanna á Hlemmi er Le KocK, en þeir sem standa á bak við Le KocK eru kokkarnir Karl Óskar Smárason, Knútur Hreiðarsson og Markús Ingi Guðnason.

Stefnt er á að hafa 10 framúrskarandi kaupmenn á Hlemmi og eru nokkur fyrirtæki búin að staðfesta komu sína, en það eru SKÁL, Micro Roast Te & Kaffi, Ísleifur heppni, Brauð&co, Kjöt & Fiskur, La Poblana (áður Taco Santo) og nú Le KocK sem verða þó einungis í sumar.  Stefnt er á að opna mathöllina í júní ef allt gengur eftir.

Smælkiréttur með tómat chimmichurri, djúpsteiktri svínasíðu, grilluðum maís og sýrðum rjóma.

Markús Ingi Guðnason starfaði á Koks í Færeyjum síðastliðið sumar sem sous chef og á undan því á Mat og drykk, en Markús lærði matreiðslu í Keiser University skólanum í Flórída.  Knútur Hreiðarsson starfaði síðast á Mat og drykk, en hann lærði fræðin sín á Hótel Holti.  Karl Óskar Smárason starfaði með þeim Knúti og Markúsi hjá Mat og drykk, en hann lærði fræðin sín á Vox restaurant.

Djúpsteikt smælki með fetaosti, vínberjum, vorlauk og hnetum.

Markús hætti störfum á Mat og drykk sem yfirkokkur í janúar 2016 og hóf þá störf á Koks eða þar til í lok ágúst í fyrra og fór þá í þróunarvinnu á Le KocK með þeim Karli og Knúti.
Það var síðan um áramótin s.l. sem að þeir Knútur og Karl létu af störfum á Mat og drykk og hófu með fullum krafti undirbúning á Le KocK og verða með PopUp stað í Mathöllinni á Hlemmi eða þar til í lok sumars.

Kleinuhringur fylltur með sætri súrmjólk og hjúpaður með púðursykur karamellu og hunangs cheerios.

Hvað tekur svo við eftir sumarið, opna veitingastað í Reykjavík?

“

Framkvæmdir í Mathöllinni.
Knútur Hreiðarsson

Nei við ætlum að reyna að standa fast á þeirri stefnu sem við stöndum fyrir, sem er „street food“ eða götumatur.  Við ætlum að opna matarvagn sem mun fyrst um sinn vera staðsettur hér í Reykjavík og síðan ferðast um landið.

Við komum til með að heimsækja mismunandi hátíðir sumarið 2018 sem og aðra staði.  Markmiðið er að versla við bændur eða aðra minni kaupmenn á því svæði sem við erum
á þá stundina og aðlaga matseðilinn að þeim landshluta og þeirri vöru sem annaðhvort fæst þar eða vex villt.“

, sagði Knútur Hreiðarsson í samtali við veitingageirinn.is

Myndir: facebook / Le KocK