Laxasteik með súrsaðri engiferrjómasósu og bankabyggi

Sigurður Gíslason

Hráefni
800 gr laxaflök án roðs
4 dl kjúklingasoð (má vera vatn og 1 msk kjúklingakraftur
200 gr bankabygg
1 dl rjómi
1 stk gulrót, smátt skorin
1 stk hvítlauksgeiri, marinn
1 stk fennel smátt skorið
1 stk rauðlaukur, smátt skorinn
vatn
salt

Sósan
4 dl rjómi
2 dl hrísgrjónaedik
1 dl léttþeyttur rjómi
40 gr súrsað engifer
salt

Aðferð
Skerið laxinn í 4 steikur. Steikið laxinn í u.þ.b. 3 mín. á hvorri hlið við miðlungs hita. Kryddið laxinn með salti.

Sósa:
Setjið engifer í pott ásamt smá safa sem er í krukkunni og sjóðið niður þar til lítill safi er eftir. Bætið hrísgrjónaediki út í og sjóðið til helminga.
Hellið rjóma í og sjóðið í 5-10 mínútur. Bætið þeytta rjómanum út í rétt áður en sósan er borin fram svo hún verði létt og froðukennd. Kryddið með smá salti.

Bankabygg:
Ristið smátt skorið grænmetið á pönnu og takið til hliðar. Sjóðið bankabyggið með hvítlauk í kjúklingasoði í u.þ.b. 45 mín. við vægan hita og bætið vatni í ef þarf; það á að vera mjúkt við tönn. Sigtið auka vökva frá og setjið aftur í pott. Bætið rjómanum útí og sjóðið ásamt grænmetinu í 10 mín. við vægan hita. Setjið smá salt út í.

Hollráð:
Byrjið á að sjóða byggið og undirbúið svo restina af réttinum.

Höfundur: Sigurður Gíslason matreiðslumeistari.

Mynd: facebook / GOTT