Kokkalandsliðið tekur yfir eldhúsið á Fröken Reykjavík – Einstakt kvöld með matargerð á heimsmælikvarða

Fröken Reykjavík Kitchen & Bar – Hótel Reykjavík Saga
Mynd: Íslandshótel

Matgæðingar fá einstakt tækifæri til að upplifa matargerð á hæsta stigi þegar Kokkalandslið Íslands heldur glæsilegan Pop Up-viðburð á veitingastaðnum Fröken Reykjavík Kitchen & Bar föstudagskvöldið 30. maí. Liðið mun þá taka yfir eldhúsið og bjóða upp á sérvalda rétti í nútímalegu og hlýlegu umhverfi miðborgarinnar.

Snædís Xyza Mae Jónsdóttir.
Ljósmyndari: Anna Maggý.

Snædís Xyza Mae Jónsdóttir er yfirmatreiðslumeistari Fröken Reykjavík og jafnframt þjálfari Kokkalandsliðsins. Snædís hefur undanfarin ár verið í fararbroddi íslenskrar matargerðar og leiðir bæði veitingastaðinn og landsliðið af mikilli elju og fagmennsku.

Kvöldið einkennist af glæsilegum sælkeramatseðli þar sem öll áhersla er lögð á að sýna fágun, matreiðslutækni og gæði íslensks hráefnis að hætti Kokkalandsliðsins.

Verð per mann: 16.900 kr
Vínpörun per mann: 12.900 kr

Takmarkað sætaframboð

Sætafjöldi er takmarkaður og því hvetja skipuleggjendur áhugasama til að tryggja sér borð sem fyrst. Pantanir og nánari upplýsingar má nálgast með því að senda póst á [email protected].

Þeir sem fylgjast með íslenskri matargerð, eða einfaldlega vilja gera sér glaðan dag, ættu ekki að láta þennan viðburð fram hjá sér fara.