Kjötbögglar – Kálbögglar

Ein matsk. af kjötdegi er látið í hvert blað…..

12 hvítkálsblöð smjör og flesk

1.5 kg kjötdeig vatn eða soð

Ystu blöðin skal taka af, ef þau eru skemmd og losa svo blað fyrir blað frá rótarstokknum varlega, svo að þau haldist heil. Kálblöðin eru þvegin og sett í sjóðandi vatn, saltað og soðið í nokkrar mínútur sér ( eða svo) þau verði orðin köld og vel sigið úr þeim.

Ein matsk. af kjötdegi er látið í hvert blað, síðan er því vafið saman og bundið um með tvisti. Bögglarnir eru brúnaðir við vægan hita og þeir soðnir í potti eða skúffu í ofni aða öðru flatbotnuðu íláti ( 2 L vatn eða soð hellt á sjóðheitt).

Til eru margar útfærslur af Kálbögglum. Hér eru hvítkálsblöð fyllt með hakki og hrísgrjónum.

Borið með brúnni sósu eða kartöflumús. Kálbögglana má líka aðeins sjóða og bera þá með þeim brætt smjör eða ljósa sósu.

Ef ekki er til kjöt má fylla blöðin sem hér segir:

½ matsk. smjörl.
1 dl. fínt skorinn laukur
¼ tsk pipar
2 dl. hrísgrjón
salt og sykur
½ L mjólk
1 egg
¼ L vatn

Hrisgrjón og laukurinn er soðið lítið eitt. Grauturinn kældur og eggjunum og kryddinu hrært í.

Annars eins og fyrr segir. Ef kálhöfuðið er mjög þétt er gott að lina það í sjóðandi vatni áður en blöðin eru losuð frá stokknum.

Uppskrift – Sólveig Jónasdóttir frá Húsmæðraskólanum á árunum 1944 – 1945
Birt með leyfi: Helgi Fannar Valgeirsson, matreiðslumaður

Myndur: úr safni