Ákærður fyrir að bera fram maura á Michelin-stað

Myndin er úr safni og tengist efni fréttarinnar ekki beint.

Eigandi tveggja Michelin-stjörnu veitingastaðar í Seúl í Suður-Kóreu hefur verið ákærður fyrir að hafa notað maura í matargerð. Samkvæmt visir.is á hann yfir höfði sér allt að eins árs fangelsi og sekt sem nemur um tveimur milljónum íslenskra króna.

Eigandinn hefur viðurkennt að maurar hafi verið notaðir í fáum réttum, aðallega sem skraut, en segir að gestir hafi verið upplýstir um það og getað valið annað skraut.

Maurar eru ekki meðal þeirra tíu skordýrategunda sem heimilt er að nota í matargerð í Suður-Kóreu. Heilbrigðisyfirvöld segja jafnframt að magn þungmálma í maurunum hafi mælst 55 sinnum hærra en í öðrum skordýrum sem leyfð eru til manneldis.

Nánar má lesa um málið á visir.is.

Mynd: úr safni