Ísland komst áfram í heimsmeistaramóti barþjóna – Myndaveisla

Grétar Matthíasson

Heimsmeistaramót barþjóna stendur nú yfir í Róm á Ítalíu og lýkur 2. desember næstkomandi. Það er Grétar Matthíasson sem keppir fyrir hönd Íslands.

Á heimsmeistaramótinu eru keppendur frá 67 löndum sem etja kappi, keppt er í sex flokkum barmennsku, sem eru Before dinner cocktails, Sparkling cocktails, Long drink cocktails, Low abv og After dinner cocktails.

Í kvöld fór fram undanúrslit í öllum flokkum og keppti Grétar í flokknum „After dinner cocktails“ með drykkinn Candied Lemonade sem inniheldur:

– Luxardo Linochello
– Grand marnier
– Ferskan sítrónusafa
– Heimagert síróp úr Xanté

Einungis þrír efstu komast áfram í hverjum flokki fyrir sig og Grétar gerði sér lítið fyrir og komst áfram, glæsilegur árangur hjá Grétari. Á morgun keppa keppendur í lyktar- og bragðprófum, skriflegu prófi og hraðkeppni.

Sjá einnig: Ísland komst því miður ekki áfram á HM

Myndir: Ómar Vilhelmsson