Hinrik og Andrés skila glæsilegum réttum í Global Chefs Challenge – Myndir

Andrés Björgvinsson og Hinrik Örn Lárusson

Í morgun hófst annar keppnisdagar af þremur í undankeppni Evrópu fyrir Global Chefs Challenge sem haldin verður í kringum heimsþing matreiðslumann sem fram fer í Wales 2026.

Í þessari keppni eru sex matreiðslumenn sem vinna sér inn rétt á að keppa í Wales, tveir frá norður Evrópu, tveir frá mið Evrópu og tveir frá suður Evrópu.

Hinrik Örn Lárusson og honum til aðstoðar Andrés Björgvinsson hófu keppni kl. 08.10 í morgun og skiluðu síðasta rétt kl. 10.25. Þeir félagar höfðu 2 tíma til að afgreiða tveggja rétta matseðill og skylduhráefnið var lúða, kálfahryggvöðvi og kálfalifur.

Yfirveguð vinnubrögð og fagmennska skein í gegn þegar fylgst var með vinnu þeirra í eldhúsinu. Diskarnir litu mjög vel út og voru þeir félagar mjög glaðir með sitt framlag að lokinni keppni.

Andrés Björgvinsson og Hinrik Örn Lárusson

Íslensku keppendurnir hafa nú allir lokið keppni en niðurstaða úr Global Chef Challenge verður ekki kunngjörð fyrr en kl 16.00 á morgun þriðjudag þar sem aðeins helmingur af þeim sem keppa í Global Chef Challenge keppa í dag mánudag.

Sjá einnig: Fyrsta keppnisdegi Global Chefs Challenge lokið á Ítalíu

Myndir: aðsendar