Vertu memm

Keppni

Arctic Challenge – Nýjar myndir – Allt um keppnina

Birting:

þann

Arctic Challenge 2022

Tvær keppnir voru haldnar þann 10. janúar s.l. á Strikinu Akureyri með yfirskriftinni Arctic Challenge, en þessi menningarviðburður var til þess gerður að sameina matreiðslu (Arctic Chef) og kokteilagerð (Arctic Mixologist) í eina keppni.

Fullbókað var í báðar keppnirnar, en hún var haldin í fyrsta sinn nú, en stjórnendur keppninnar stefna á að gera að árlegum viðburði í bæjarlífinu. Þátttökugjald var 3000 kr.

Strikið er með tvo sali og fór kokteilkeppnin fram í öðrum þeirra og matreiðslukeppnin í hinum. Strikið var lokað fyrir almenningi þann daginn á meðan keppni stóð yfir, en opið var fyrir fólk úr veitingageiranum og styrktaraðila svo hægt var að hvetja sitt fólk áfram.

Keppnin Arctic Challenge

Veglegir farandbikarar

Arctic Chef

Í matreiðslukeppninni var skilyrði að keppandi væri búinn með sveinspróf eða búinn með námssamning. Keppandi skilaði inn köldum forrétti með fyrirfram ákveðnu hráefni og heitum aðalrétti sem einnig var með fyrirfram ákveðnu hráefni, með 15 mínútna millibili.

Dómarar voru fjórir. Þrír sáu um blindsmakk og dæmdu m.a bragð, áferð, vinnu o.s.frv. Fjórði dómari er eldhúsdómari sem dæmdi m.a frágang, passaði að klæðnaður væri viðeigandi o.s.frv.

Keppendur í Arctic Chef voru:

Úrslit í Arctic Chef

Arctic Challenge 2022

Guðmundur Sverrisson, Aron Gísli Helgason og Jón Birgir Tómasson

Það var Aron Gísli Helgason frá Brút restaurant sem sigraði í Arctic chef, en úrslitin voru eftirfarandi:

1. sæti – Aron Gísli Helgason frá Brút restaurant
2. sæti – Jón Birgir Tómasson frá Múlaberg
3. sæti – Guðmundur Sverrisson frá Múlaberg

Arctic Mixologist

Hjá barþjónunum var aðeins meira rými fyrir keppendur, en engin skilyrði var að vera faglærður eða nemi í faginu. Heldur máttu veitingastaðir/barir senda frá sér hvern sem er sem vildu taka þátt.

Barþjónarnir þurftu að blanda kokteilinn fyrir framan dómnefnd. Dómnefndin gat þá átt samskipti við hvern barþjón fyrir sig til þess að fá hugmynd um hver hugsunin er bakvið hvern og einn kokteil.

Dómarar dæmdu eftir bragð, lykt, útliti, þema, vinnubrögðum og hreinlæti. Hver keppandi á bar fékk 10 mínútur til þess að blanda og skila frá sér tvöfaldri uppskrift fyrir framan dómnefnd.

Síðan hafði dómnefnd 5 mínútur til að tala sín á milli og gefa einkunn.

Keppendur í Arctic Chef voru:

Úrslit í Arctic Mixologist:

Arctic Challenge 2022

Þórkatla Eggerz Tinnudóttir, Unnur Stella Níelsdóttir og Ýmir Valsson

Það var Unnur Stella Níelsdóttir frá Múlaberg sem sigraði í keppninni með drykkinn Rabbis Blues, en efstu þrjú sætin voru eftirfarandi:

1. Unnur Stella Níelsdóttir – Múlaberg
2. Þórkatla Eggerz Tinnudóttir – R5 bar
3. Ýmir Valsson – Múlaberg

Dómarar

Það var flottur hópur af dómurum sem dæmdu í Arctic Challenge, en dómgæslan var þannig háttað að sitthvort dómarateymið dæmdu kokteila-, og kokkakeppnina.

Dómnefnd í Arctic Mixologist voru:

Arctic Challenge 2022

Jónína Björg Helgadóttir – eigandi á menningar og veitingastaðnum Majó
Þorleifur „Tolli“ Sigurbjörnsson – Sommelier/Vínþjónn allra Íslendinga
Sigmar Örn Ingólfsson – Framreiðslumeistari

Dómnefnd í Arctic Chef voru:

Arctic Challenge 2022

Haraldur Már Pétursson – eigandi á Salatsjoppunni
Haukur Gröndal – Forstöðumaður eldhúsinu á SAK
Snæbjörn Kristjánsson – forstöðumaður eldhúsinu á Hrafnagili

Eldhúsdómari var Kristinn Frímann Jakobsson

Stjórnendur Arctic Challenge

Viðburðarhaldarar Arctic Challenge voru eftirfarandi:

Styrktaraðilar

Arctic Challenge - Styrktaraðilar

Fylgstu með

Samfélagsmiðlar Arctic Challenge eru:

Instagram: acakureyri

Facebook: acakureyri

Sýnt var frá keppninni á veitingageirasnappinu: Veitingageirinn

Meðfylgjandi myndir tók Auðunn Níelsson ljósmyndari

Myndir: Auðunn Níelsson

Fleiri Arctic Challenge fréttir hér.

Auglýsingapláss

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið