Opnuðu 18 L kampavínsflösku í fyrsta sinn á Íslandi – Nýir eigendur Kampavínsfjelagsins

Fyrir helgi voru ákveðin tímamót þegar Kampavínsfjelagið opnaði í fyrsta skipti á Íslandi 18 L Solomon Philipponnat kampavínsflösku á hátíðarkvöldverði Þjóðmála.

Á kvöldverðinum voru veitt verðlaun og viðurkenningar til einstaklinga sem hafa skarað fram úr í viðskiptum, sérstaklega í verslunarrekstri fyrir framúrskarandi árangur, frumkvæði, nýsköpun og framlag til íslensks viðskiptalífs.

Sjá einnig: Gulli bakari heiðraður sem kaupmaður ársins 2024

Vel var mætt á hátíðarkvöldverðinn en 270 gestir víða úr íslensku atvinnu- og viðskiptalífi skemmtu sér saman.

„Gekk mjög vel og rann ljúft niður meðal gesta.“

Sagði Styrmir Bjarki Smárason einn eigenda Kampavínsfjelagsins í samtali við veitingageirinn.is.

Nýir eigendur Kampavínsfjelagsins

Jóhanna Húnfjörð, Styrmir Bjarki Smárason, Hrefna Sætran og Stefán Einar Stefánsson fyrrverandi eigandi Kampavínsfjelagsins við undirritun kaupsamnings

Nýir eigendur Kampavínsfjelagsins eru Jóhanna Húnfjörð, Hrefna Sætran og Styrmir Bjarki Smárason.

Philipponnat Royale reserve brut Salomon 18 lítra flaska var sérstaklega innflutt fyrir þennan viðburð.

„Erum að fara biðja um stærri fyrir næsta ár.“

Sagði Styrmir.

Philipponnat er virtur framleiðandi og fæst kampavínið frá þeim á mörgum af bestu stöðum heims meðal annars Eleven Madison Park svo fátt eitt sé nefnt.

Leynigestur kvöldsins var Inga Sæland formaður Flokks fólksins en hún er mikil söngkona og keppti á árum áður í X-Factor. Inga söng falleg lög á kvöldverðinum og stýrði síðan að lokum fjöldasöng með laginu „Ég er kominn heim“.

Eyþór Rúnarsson, Ísak Aron Jóhannsson og Ari Sylvain Posocco

Boðið var upp á ljúffengan kvöldverð að hætti Múlakaffi.  Matreiðslumenn kvöldsins voru Eyþór Rúnarsson, Ísak Aron Jóhannsson og Ari Sylvain Posocco:

Forréttur

Hægelduð bleikja og innbakaður humar með mangósalsa, sellerírótarmauki og chili döðludressingu

Aðalréttur

Grillað kálfaribeye með kremuðum sveppum, gljáðu brokkolini og graslauks-bernaise

Eftirréttur

Tiramisu

Ný og endurbætt heimasíða Kampavinsfjelagsins.

Instagram: @kampavinsfjelagid

Myndir: aðsendar