Bistro og vínbarinn Kramber opnar við Skólavörðustíg 12

Eigendurnir Arndís Kristjánsdóttir og Lísa Kristjánsdóttir

Kramber er nýr veitingastaður í Reykjavík, staðsettur við inngang Kramshússins á horni Skólavörðustígs og Bergstaðastrætis. Kramber er bæði kaffihús og vínbar og býður upp á gott kaffi og gæðavín, bjór, lauflétta kokteila og bistro rétti.

Á staðnum er í boði smáréttir, ristað súrdeigsbrauð með osti og sultu, samlokur með sardínum, kapers, brenndri sítrónu og rauðlauk, nautalokur, grænmetislokur, súpur með annars glútenlausa Thai curry sætkartöflusúpu, nautafillet, Champignon á la creme, hægeldaðir tómatar og rauðlaukur svo fátt eitt sé nefnt.

Eigendur eru Lísa Kristjánsdóttir fyrrverandi aðstoðarmaður Katrínar Jakobsdóttur forsætisráðherra og Arndís Kristjánsdóttir eigandi Kramhússins.

Til stóð að opna Kramber í sumar, en tafir urðu á opnuninni.

Hefðbundinn opnunartími Kramber er frá 9-23 á virkum dögum og frá 12-23 um helgar. Happy hour er frá 16-18 og þá eru glösin á 1500 kr. og bjórinn á 1100 kr.

Myndir: facebook / Kramber