Það styttist í að 2Guys opnar – Hjalti: „Við stefnum á opnun 1. desember“ – Myndir

Það styttist í að 2Guys opnar en staðurinn flytur í húsnæðið við Laugaveg 105 þar sem hótelið Hlemmur Square var áður til húsa.

Töluverðar breytingar hafa verið gerðar á húsnæðinu, en þeir sem standa að rekstrinum eru Hjalti Vignis og Róbert Aron.

2Guys hefur verið starfræktur sem “pop up” og var síðast í húsnæðinu við Klapparstíg 38 við hliðina á Kalda Bar, en er kominn í framtíðarhúsnæði við Laugaveg 105.

2Guys býður upp á smass hamborgara konsept þar sem áhersla er lögð á djúsi borgara, stökkar franskar og nóg af osti.

„Erum að bíða eftir að leyfin verði klár. Við stefnum á opnun 1. desember næstkomandi.“

Sagði Hjalti í samtali við veitingageirinn.is, aðpurður um formlega opnun 2Guys.

Með fylgja myndir frá staðnum sem teknar voru fyrir rúmlega viku síðan.

Myndir: aðsendar