Kynning á Antonius, úrvalskavíar sem hefur heillað Michelin-kokka

Föstudaginn 3. júlí klukkan 18:30 stendur Kampavínsfjelagið fyrir glæsilegu kampavíns- og kavíarsmakki á Konsúlat Wine Room þar sem gestum gefst tækifæri til að njóta úrvals kampavína og kavíars í góðum félagsskap áður en sumarfríin taka við.

Viðburðurinn hefst með fordrykk klukkan 18:30 og stendur yfir í rúmar tvær klukkustundir. Skipuleggjendur hvetja gesti til að mæta tímanlega svo þeir geti notið fordrykksins frá upphafi.

Kvöldið hefst á Cipriani Bellini og því næst verður boðið upp á Pierre Gimonnet Cuis Premier Cru parað með Antonius Siberian kavíar. Þá taka við Philipponnat Rosé og Philipponnat Blanc de Noirs 2019, sem verður parað með Antonius Oscietra kavíar.

Antonius-kavíar hefur meðal annars verið kynntur í samstarfi við Michelin-kokka í Evrópu og nýtur vaxandi vinsælda meðal fagfólks í veitingageiranum.

Að smakkinu loknu geta gestir haldið kvöldinu áfram á Konsúlati, en sérstakur afsláttur verður í boði af kvöldverðarseðli veitingastaðarins. Einnig verður boðið upp á „tappagjald“ af eðalvínum fyrir þá sem vilja njóta kvöldsins lengur.

Skipuleggjendur minna jafnframt á að skilja bílinn eftir heima, enda sé kvöldið ætlað til að njóta kampavínsins til fulls.

Bókanir fara fram í gegnum Dineout.

Mynd; kampavinsfjelagid