Wilson´s Pizza gjaldþrota | Guðmundur Arnfjörð sagður taka við rekstri Wilson´s Pizza

Fyrirtækið sem séð hefur um rekstur pítsastaða Wilson´s Pizza hefur verið lýst gjaldþrota, en þetta kom fram í Lögbirtingarblaðinu nú á dögunum.

Þá er búið að loka pítsastöðum fyrirtækisins við Ánanaust, Gnoðavog, Vesturlandsveg og Brekkuhús en staðurinn í Eddufelli verður áfram opinn.

Fyrirtækið hefur rekið pítsastaði frá árinu 2005. Samkvæmt síðasta ársreikningi sem félagið skilaði varð 24 milljón króna tap á rekstrinum árið 2012, að því er fram kemur á visir.is.

Guðmundur Arnfjörð, sem rekið hefur pítsastaðakeðjuna Pizzuna undanfarin 17 ár, tók nýverið við rekstri veitingastaða Ruby Tuesday, en á vef sedogheyrt.is er sagt að hann taki við rekstri á Wilsons pizza. Talið er að hann ætli að opna Pizzuna á tveimur Wilsons-stöðum: í Ánanaustum og Skeiðavogi.

Mynd: úr safni

/Smári