Vertu memm

Keppni

Vínin sem fengu Gyllta glasið 2016

Birting:

þann

Gyllta glasið 2016

Logo - Vínþjónasamtök ÍslandsNú er nýlokin keppnin um Gyllta Glasið 2016 sem var haldin í 12 sinn undir stjórn Vínþjónasamtaka Íslands.

Í ár var verðflokkur vína í keppni frá 2.490 kr. til 3.500 kr, sá sami og var 2015 að viðbætum rósavínsflokki og var ekkert verðþak þar, vínin máttu koma frá öllum heiminum og völdu vínbirgjar vínin sem þeir lögðu til í þessa keppni.

Vínin voru smökkuð blint af sérstakri dómnefnd sem Vínþjónasamtökin boðuðu til á Hótel Hilton Nordica sunnudaginn 29 maí.  Þátttakan í Gyllta glasinu í ár var góð viðað við verðflokkinn, en alls skiluðu sér 99 vín til leiks frá 13 vínbirgjum.

Í ár skreyttum við dómarapanelinn með þekktum vínsérfræðingum, vínbirgjum, reyndum vínáhugamönnum innan veitingariðnaðarins og eigum við í Vínþjónasamtökunum þeirra bestu þakkir fyrir þátttökuna í þetta mjög svo krefjandi verkefni.

Alls voru það 20 manns sem blindsmökkuðu og dæmdu vínin samkvæmt Parker skala.

Logo - Gyllta glasið 2016Yfirdómari var eins og fyrri ár Alba E H Hough margfaldur Íslandsmeistari vínþjóna ásamt sérstakri aðstoð frá Peter Hansen og Ástþóri Sigurvinssyni og eiga þeir endalausar þakkir fyrir að standa að stærstu blindmökkum sem fram fer á Íslandi ár hvert, svo má alls ekki gleyma Hilton Reykjavík Nordica fyrir þeirra hlut að útvega okkur fyrsta flokks aðstöðu og þjónustu með frábærum veitingum.

7 hvítvín, 13 rauðvín og 3 rósavín urðu svo fyrir valinu og hlutu Gyllta glasið 2016. Vínin verða sérmerkt í Vínbúðum með merki Gyllta Glassins og gildir það fyrir árganginn sem fékk verðlaunin.

Verðlaunavín Gyllta Glasið 2016

Hvítvín

Villa Maria Private Bin Sauvignon Blanc 2015, KKK

Peter Jakob Khün Jacobus Riesling Trocken 2015, Berjamór

Villa Maria Private Bin Riesling 2015, KKK

Willm Pinot Gris Reserve 2015, Haugen

Arthur Metz Pinot Gris 2015, Mekka

Dopff & Irion Cuvée René Dopff Gewurztraminer 2013, Ölgerðin

Montes Alpha Chardonnay 2014, Globus

Rauðvín

Allegrini Palazzo della Torre Ripasso 2012, Cantina ehf

Tommasi Ripasso 2014, Mekka

Tenuta Sant’Antonio Monti Garbi Ripasso 2014, Globus

Concha Y Toro Marques de Casa Concha Cabernet Sauvignon 2014, Mekka

Peter Lehmann Portrait Shiraz 2013, Globus

George Wyndham Bin 555 Shiraz, 2013, Mekka

Trivento Golden Reserve Syrah 2013, Globus

Prunotto Barbera d’Alba 2014, Globus

Torres Gran Coronas Reserva 2012, KKK

Montecillo Reserva 2010, Globus

Cune Reserva 2011, Haugen

Coto de Imaz Gran Reserva 2010, Globus

Torres Celeste 2013, KKK

Rósavín 

Gérard Bertrand Côte des Roses 2015, Globus

Domaine du Tariquet Rosé du Presse 2015, Vínekran

Miguel Torres Santa Digna Rosé 2015, KKK

Vínþjónasamtökin vilja þakka öllum birgjum fyrir frábæra þátttöku og óskum sigurvegurum til hamingju.

f.h. Vínþjónasamtaka Íslands

Þorleifur Sigurbjörnsson
Ritari/gjaldkeri

Tolli er framreiðslumaður að mennt og Certified Sommelier frá Court of Master Sommelier, en hann hefur starfað við fagið til fjölda ára. Tolli hefur verið í stjórn Vínþjónasamtaka frá árinu 2001 og sá eini sem hefur gegnt öllum störfum samtakanna, nú sem ritari og gjaldkeri. Tolli starfaði lengst af í Perlunni og var stofneigandi af Sommelier Brasserie við hverfisgötu forðum daga, í dag starfar hann hjá víninnflytjanda Globus. Hægt er að hafa samband við Tolla á netfangið [email protected]

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:
Auglýsingapláss

Mest lesið