Viðtal við Sigurjón Braga fulltrúa Íslands í Bocuse d‘Or

Sigurjón Bragi Geirsson

Sigurjón Bragi Geirsson er yfirkokkur á Héðni kitchen & bar og hefur áður unnið á Kolabrautinni í Hörpu, á Essensia og hjá Múlakaffi. Hann var í kokkalandsliðinu um nokkurra ára skeið og þjálfaði liðið þegar það náði 3. sæti á Ólympíuleikunum árið 2019.

„Ég myndi segja að þetta væri um það bil 14 mánaða ferli að taka þátt í svo stórri keppni. Ég er með mjög góða aðstoðarmenn sem ég er mjög heppinn með. Við erum allir á þeim stað að við viljum leggja okkur extra mikið fram til að ná markmiðinu. Það er ekki sjálfgefið“

segir Sigurjón í viðtali í hlaðvarpi Iðunnar.

Sigurjón er gríðarlega þakklátur fyrir þann góða hóp sem að baki honum stendur og segir að þátttaka í keppnum hafi mikil áhrif á það hvernig einstaklingar þróast sem fagmenn og á fagið í heild sinni.

Sjá einnig:

Sigurjón Bragi Geirsson er næsti Bocuse d‘Or kandídat

Allt í kringum keppnir gerir þú í þínum frítíma segir hann og þar skiptir gríðarlegu máli að vera með gott skipulag. Maður lærir bæði að vera sterkari sem einstaklingur og líka að vinna í hóp, þetta er mjög mikil samvinna segir hann að lokum.

Mynd: idan.is