Thai Keflavík opnar aftur en einungis á netinu

Taílenski veitingastaður Thai Keflavík, við Hafnargötu 39 í Keflavík, lokaði í apríl sl. eftir 17 ár í rekstri.

Nú hafa eigendur ákveðið að opna staðinn aftur og einungis er boðið upp á heimsendingar og take-away og pantað er í gegnum Dineout.is.

Hjá Thai Keflavík mætast íslensk hráefni og tælensk matargerð, þar sem boðið er upp á ýmsa rétti undir tælenskum og asískum áhrifum og ferskt sushi handgert eftir pöntun. Heimsendingar eru á milli klukkan 17 og 20:30 á valin póstnúmer í Reykjanesbæ.

Mynd: facebook / Thai Keflavík