Strákarnir okkar mættir á Evrópumeistaramótið í kokteilagerð

Pétur Hafsteinn Úlfsson Kolka

Ísland á fulltrúa á Evrópumeistaramótinu í kokteilagerð sem fram fer um borð í skemmtiferðaskipinu Costa Favolosa um þessar mundir.

Pétur Hafsteinn Úlfsson Kolka, yfirbarþjónn á OTO, keppir þar fyrir hönd Íslands með kokteilinn sinn Vita Agrodolce. Með honum í för er þjálfarinn Grétar Matt.

Keppt er í flokki Long Drink og taka alls 23 þjóðir þátt í mótinu. Keppnin fer fram á meðan siglt er frá Genóa til Barcelona, þaðan til Marseille og aftur til Genóa.

Pétur er staðráðinn í að láta til sín taka og segist ætla að koma með gullið heim.

Pétur mættur á Costa Favalosa

Hægt er að fylgjast með ferðalaginu og keppninni á Instagram-reikningi Barþjónaklúbbs Íslands @bartendericeland