Reyndir fagmenn skipa nýja stjórn Klúbbs Framreiðslumeistara

Yfirlit yfir stjórnskipan Klúbbs Framreiðslumeistara kynnt á aðalfundi.

Aðalfundur Klúbbs Framreiðslumeistara fór fram klukkan 10:00 í Matvælaskólanum í gærmorgun, mánudaginn 9. febrúar 2026, og stóð í um 40 mínútur. Á fundinum var stjórn klúbbsins formlega kosin og kynnt.

Til formanns var kosinn Erlingur Gunnarsson og Oddný Ingólfsdóttir gegnir embætti varaformanns. Aðrir stjórnarmenn eru Trausti Víglundsson, Finnur Gauti Vilhelmsson, sem jafnframt er ritari, og Peter Hansen, gjaldkeri. Varamenn stjórnar eru Lind Ólafsdóttir og Gyða Dröfn Víðisdóttir.

Á fundinum voru einnig kynnt markmið klúbbsins, sem miða að því að efla samstarf, styrkja faglega umræðu og stuðla að framþróun innan geirans. Aðalfundurinn markaði formlega endurkomu Klúbbs Framreiðslumeistara undir nýrri stjórn, sem hlakkar til að takast á við komandi verkefni og fagnar allri þátttöku þeirra sem hafa áhuga á að leggja klúbbnum lið.

Áhugasamir geta haft samband við Oddnýju í gegnum netfangið [email protected].

Stjórn og varamenn

Erlingur Gunnarsson

Erlingur Gunnarsson – Formaður
Framreiðslumeistari, menntaður úr Matvælaskólanum í Kópavogi, Butler frá The International Butler Academy í Hollandi, diplómu hafi frá César Ritz í Hótel og veitingastjórnun, verkefnastjóri Retreat hótelsins á Bláa lóninu.

Oddný Ingólfsdóttir

Oddný Ingólfsdóttir – Varaformaður
Framreiðslumaður, menntuð úr Matvælaskólanum í Kópavogi, veitingastjóri á Sumac, vínþjónn, sigurvegari í Vínþjónakeppni Vínþjónasamtakanna 2025.

Finnur Gauti Vilhelmsson

Finnur Gauti Vilhelmsson – Ritari
Framreiðslumaður, menntaður úr Matvælaskólanum í Kópavogi, veitingastjóri á OTO, þjálfari Norrænu Nemakeppnarinnar og Euroskills.

Peter Hansen

Peter Hansen – Gjaldkeri
Matreiðslumaður og framreiðslumaður, menntaður í Hotel og Restaurantskolen í Kaupmannahöfn, varaforseti Vínþjónasamtakana, aðstoðarsölustjóri hjá Ölgerðinni.

Trausti Víglundsson

Trausti Víglundsson – Stjórnarmeðlimur
Framreiðslumeistari, menntaður úr Hótel- og Matvælaskóla Íslands, stjórnarmaður og heiðursiðnaðarmaður í Iðnaðarmannafélaginu í Reykjavík, einn af stofnendum Klúbbs Framreiðslumeistara, fyrrum formaður sveinsprófsnefndar og stuðningsaðili Norrænu nemakeppnarinnar.

Lind Ólafsdóttir

Lind Ólafsdóttir – Varamaður
BA gráða í hótel og veitingastjórnun frá César Ritz í Sviss, vínþjónn, sölumaður og vínsérfræðingur hjá Santé.

Gyða Dröfn Víðisdóttir

Gyða Dröfn Víðisdóttir – Varamaður
Framreiðslumaður, menntuð úr Matvælaskólanum í Kópavogi og diplómu hafi úr Hótel og veitingastjórnun úr César Ritz, vaktstjóri á Lólu.

Myndir: aðsendar